Organizata për Paqen Botërore: Strategjia e Shqipërisë për Mbrojtjen e Refugjatëve, ‘shembull i denjë’

“Solidariteti që ka ardhur nga Gadishulli Ballkanik i Evropës Juglindore, konkretisht Shqipëria, është erëzuar me një qasje unike për refugjatët”.

Kështu është cilësuar vendi ynë nga Organizata për Paqen Botërore, për sa i takon mikpritjes dhe vullnetit të qeverisë shqiptare për të strehuar refugjatë, jetët e të cilëve janë në rrezik.

Sipas Komisionerit të Lartë të Kombeve të Bashkuara për Refugjatët nga janari deri në tetor, Shqipëria, ashtu si vendet e tjera evropiane, ka përjetuar një fluks masiv individësh, duke arritur në të paktën 9 mijë.

Shifrat e refugjatëve kanë përparuar gjeometrikisht që nga viti 2017. Prej shtatorit, UNHCR-ja ka deklaruar se Shqipëria ishte streha e sigurt për 115 refugjatë dhe 1 mijë e 528 persona të rrezikuar nga pashtetësia.

Organizata për Paqen Botërore e ka cilësuar qasjen e Shqipërisë për të akomoduar deri në 4 mijë refugjatë afganë – ku deri më tani qindra kanë mbërritur dhe janë akomoduar në resorte në bregdetin e Adriatikut – si një hap mjaft të çuditshëm.

Kjo e fundit, për faktin se Shqipëria sipas Organizatës, “është një vend që lufton me zhvillimin e vet dhe veprimi i guximshëm për të kontribuar në mbrojtjen aktive të refugjatëve në nevojë është një shembull për të gjitha vendet që duhet ta imitojnë”.

“Fakti që 677 refugjatë afganë që mbërritën, përfshirë rreth 250 fëmijë – të kenë një vend të ngrohtë e të sigurt – është një qasje e reagimit ndaj urgjencës. Shqipëria e zhvilloi këtë qasje pas një tërmeti shkatërrues në vitin 2019 dhe njerëzit e mbetur të pastrehë u vendosën në hotelet e bregdetit”, cilësohej nga Organizata.

Më tej, duke përmendur mikpritjen tonë shekullore, u ndal te fjala e kryeministrit Edi Rama, i cili në një intervistë ka deklaruar se, “kujdesi për refugjatët është gjëja e duhur dhe e natyrshme për t’u bërë”.

Vizat amerikane të të evakuuarve janë në proces dhe po konfirmohen për zhvendosje.

Por, ministrja për Evropën dhe Punët e Jashtme, Olta Xhaçka, ka deklaruar se, “tani po punojmë me premisën që ata do të qëndrojnë në Shqipëri për të paktën një vit, ndoshta edhe më gjatë”.

Xhaçka shtoi se ata që nuk mund të sigurojnë viza për të lëvizur diku tjetër, por do të jenë të mirëpritur të qëndrojnë në Shqipëri.

Që kur talebanët morën pushtetin në Afganistan, mijëra afganë janë larguar nga vendi i tyre, me shpresën që në vendet e tjera të jenë të lirë dhe me të drejta të barabarta.

Duke komentuar situatën, një gazetar, që ndihmoi në drejtimin e një agjencie lajmesh të financuar nga SHBA-të që mbulonte çështjet e grave në qytetin perëndimor afgan, Herat, e përshkroi udhëtimin e tij të fundit në Afganistan si të tmerrshëm.

Ai tha se Kabuli, i marrë nga talebanët, “dukej shumë, shumë i errët”.

Përshkrimi i historive traumatike të të gjithë qindra refugjatëve do të jetë një “biografi e përlotur e pafund”.

Megjithatë, shpresa është pa dyshim pas tunelit, megjithëse kujtimet shqetësuese të anëtarëve të familjes mbeten ende të freskëta në mendjet e tyre.

Për botën, kjo paraqet një qasje të denjë që ia vlen të imitohet. Ka ardhur koha që kampet në periferi të qyteteve nuk konsiderohen më si shtëpi për njerëzit më vulnerabël.

Sado që siguria dhe stabiliteti janë një shqetësim për të gjithë, një shtëpi e rehatshme mbetet një nevojë parësore për të gjithë njerëzit pa marrë parasysh se nga vijnë.

Vendet pritëse të refugjatëve duhet të miratojnë këtë model si një standard të ri për të akomoduar refugjatët e pastrehë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.