Kryendeshja e javës në Premier League u zhvillua në “Stamford Bridge”, mes liderëve të Chelsea-s dhe Manchester United.
Edhe pse dy emrat janë shumë të mëdhenj dhe zakonisht kjo ndeshje shpreh barazi, Chelsea ishte favorit absolut para ndeshjes.
Dhe këtë, Blutë e Londrës e shfaqën në fushë.
Gjatë gjithë pjesës së parë, skuadra e drejtuar nga Thomas Tuchel e mbajti United-in në gjysmëfushën e tyre.
Por, Manchester United ishte shumë me fat pasi Chelsea nuk arriti të gjejë rrugën e rrjetës.
45 minutat e para u mbyllën ashtu siç edhe filluan, me rezultat 0-0.
Në pjesën e dytë, United u fut pak më mirë.
Pak minuta pas fillimit të periudhës së dytë në ndeshje, Djajtë e Kuq kaluan në epërsi.
Një gabim i Jorginho-s, e nxorri të vetëm me portier Jadon Sancho-n
Ky i fundit e hapi llogarinë e golave edhe në Premier League, duke u treguar i saktë ballë për ballë me portierin e Chelsea-s, Edouard Mendy.
Jorginho pastroi gabimin, duke shënuar më pas në portën e De Gea-s.
Italiani shfrytëzoi mirë mundësinë nga pika e bardhë, duke barazuar në 1-1.
Përkundër inkuadrimit të Cristiano Ronaldo-s dhe Romelu Lukaku-t, rrjetat nuk u tundën më.
Të dy skuadrat morrën nga një pikë nga kjo ndeshje, me Chelsea-n që mbetet e para me 30 pikë, dhe United që ngjitet në vendin e tetë me 18 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Putin shkarkon Shoigun dhe cakton një ministër të ri Mbrojtje, në mes të luftës
-
Zimmerman: Kosova mund të pranohet në Këshillin e Evropës si anëtare e asociuar