Neymar publikon mesazhet private të shokëve të skuadrës braziliane pas humbjes kundër Kroacisë

Neymar ka ndarë disa mesazhe dhe biseda mes tij dhe bashkëlojtarëve të tij në Brazil, pas humbjes së tyre ndaj Kroacisë në çerekfinale të Kupës së Botës Katar 2022.

Lojtari i Paris Saint-Germain postoi mesazhe nga Thiago Silva, Marquinhos dhe Rodrygo në Instagram dhe pranoi se nuk kishte leje për ta bërë këtë.

“Vendosa të tregoj (pa lejen e tyre) këto mesazhe për të treguar se sa shumë donim të fitonim dhe sa të bashkuar ishim”, u shpjegoi Neymar ndjekësve të tij.

“Këto ishin disa nga mesazhet e shumta që kam shkëmbyer me grupin”.

E para ishte biseda e Neymar me Marquinhos, me sulmuesin brazilian që deklaroi se humbja e penalltisë së mbrojtësit nuk do ta ndryshonte perceptimin e tij për të.

“Një penallti nuk do të ndryshojë atë që unë mendoj për ty,” i shkroi Neymar Marquinhos, i cili së bashku me Rodrygo ishin një nga dy brazilianët që humbën në penallti kundër Kroacisë.

“Unë me të vërtetë doja që gjithçka të shkonte mirë, por ne duhet të jemi të fortë, t’i japim kohë dhe të shohim se çfarë ka rezervuar futbolli për ne”, u përgjigj Marquinhos.

Në bisedën e tij me Thiago Silva, sulmuesi i PSG-së i tha mbrojtësit veteran se ai me të vërtetë dëshironte të fitonte Kupën e Botës për të.

Përgjigja e Thiago Silvës ishte e prerë dhe e sinqertë.

“Vëlla, është më e çuditshme se sa e imagjinoja, me të vërtetë”, ka shkruar Silva.

“Nuk mund ta duroj. Nuk mund ta besoj se humbëm. Nuk mund ta besoj”.

“Sa herë që e mendoj, dua të qaj”.

Neymar gjithashtu u përpoq të mbështeste Rodrygo-n për penalltinë e tij të humbur, pasi i riu kërkoi falje.

“Ti thua se të vjen keq, a je i çmendur?” Neymar u përgjigj.

“Vetëm ata që kanë të drejtë kanë mundësinë të humbasin. Ti je i mrekullueshëm”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.