Ministri i Kulturës, Rinisë dhe Sportit, Hajrulla Çeku, ka njoftuar se janë ndarë mbi tre milionë euro për mbrojtjen e trashëgimisë kulturore dhe zhvillimin ekonomik të Janjevës.
Nga këto fonde, 1.4 milionë janë ndarë nga kjo ministri dhe dy milionë nga fondet IPA 2020 e Bashkimit Evropian.
“Ky projekt ka mbështetje financiare në vlerë prej 3.4 milionë euro, ku nga këto 1.4 milionë euro ndahen nga Ministria e Kulturës, Rinisë dhe Sportit dhe dy milionë euro nga fondet IPA 2020 të Bashkimit Evropian”.
“Zbatimi i projektit është planifikuar për vitet 2021-2024, dhe bëhet nga Programi i Kombeve të Bashkuara për Zhvillim (UNDP) në Kosovë”, thuhet në njoftimin e ministrit Çeku.
Sipas njoftimit, thuhet se në kuadër të këtij projekti përfshihen tri komponenta kryesore, atë të integrimit të trashëgimisë kulturore në planifikim hapësinor, mbrojtja e trashëgimisë kulturore përmes restaurimit dhe zhvillimi ekonomik përmes promovimit të turizmit të qëndrueshëm.
“Gjatë këtij projekti parashihen hartimi i strategjisë për zhvillim të kulturës dhe turizmit rural, hartimi i planeve të menaxhimit për qendrën historike të Janjëvës, dhe shtëpinë muze të At Shtjefën Gjeqovit”.
“Po ashtu, parashihen edhe restaurimi i 13 shtëpive të vjetra, zhvillimi i kapaciteteve njerëzore të komunitetit lokal për zhvillim të qëndrueshëm, dhe promovimi i ofertave kulturore dhe natyrore që i ofron Janjeva, për zhvillim të qëndrueshëm të turizmit kulturor”, vijon njoftimi.
Ndërkaq, ministri Çeku, ka theksuar se mbrojtja e trashëgimisë kulturore si vlerë e përbashkët e cila i kontribuon forcimit të ndjenjës së përkatësisë dhe identitetit tonë, duhet të trajtohet si proces kompleks, i cili fillon me mbrojtje ligjore, vlerësim profesional dhe ndërhyrje fizike.
“Ky proces kompleks vazhdon me ngritje të kapaciteteve njerëzore, dhe me ngritje të vetëdijes për rëndësinë dhe rolin e trashëgimisë, e deri te mekanizmat e menaxhimit efikas që do të sigurojnë ringjalljen socio-ekonomike dhe zhvillim të qëndrueshëm lokal”, shtoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Krerët e shtetit po e “armatosin” Serbinë me mundësi për “ofensivë diplomatike” kundër Kosovës, thotë Haziri
-
Kosova pa injeksionin kryesor për të trajtuar çrregullimin e trombociteve, MSH-ja fajëson operatorët
-
Kosova jashtë agjendës së KiE-së – Tahiri kërkon dorëheqjen e Kurtit
-
Luan Baçi në SPAK, pas një kallëzimi
Lajmet kryesore
-
Kurti me partnerët e koalicionit: Zgjedhjet e parakohshme, nëse ka harmonizim të plotë të opozitës
-
6 familje kërcënojnë me vetëflijim ndaj shembjes së banesave të tyre në Thumanë-Kashar
-
Administrata e Biden planifikon dërgesë armësh prej 1 miliard dollarësh në Izrael
-
Krerët e shtetit po e “armatosin” Serbinë me mundësi për “ofensivë diplomatike” kundër Kosovës, thotë Haziri