Orët e hershme të mëngjesit të së mërkurës (me kohën tonë lokale), është zhvilluar tjetër xhiro në ligën më të fortë të basketbollit në botë, NBA.
Në këtë xhiro u zhvilluan pesë takime, ndërsa ai mes Brooklyn Nets dhe Washington Wizards, u pezullua për shkak të COVID-19.
Los Angeles Lakers pësuan humbjen e tretë radhazi, teksa u mposhtën në shtëpi nga Phoenix Suns, me rezultat 90:108.
Ylli i Lakers, LeBron James, ishte shumë efikas në këtë duel, duke realizuar 34 pikë e shtatë kërcime, por ai nuk arriti të shpëtojë ekipin e tij nga humbja.
Ndërsa, në radhët e Suns u dallua Devin Booker me 24 pikë, nëntë kërcime dhe shtatë asistime.
Me këtë fitore, Suns mbajnë vendin e parë të Konferencës Perëndimore me 25 fitore kundrejt pesë humbjeve.
Ndërsa Lakers gjenden në pozitën e tetë, të cilët kanë marrë 16 fitore dhe po aq humbje.
Ndërkohë, Miami Heat është rikthyer te fitorja, të cilët mposhtën Indiana Pacers, me rezultat të thellë, 125:96.
Një sukses ky i merituar nga vendasit, të cilët dominuan lojën që nga fillimi, ku pesë basketbollistë të tyre arritën pikë dyshifrore.
Me këtë fitore, Heat pozicionohet në vendin e katërt të Konferencës Lindore me 19 fitore dhe 13 humbje, ndërsa Pacers mbajnë vendin e 13 me 19 humbje dhe 13 fitore.
Rezultatet e tri ndeshjeve tjera të kësaj xhiroje:
New York Knicks 105-91 Detroit Pistons
New Orleans Pelicans 111-97 Portland Trail Blazers
Dallas Mavericks 114-102 Minnesota Timbervolves
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Pedro Sanchez qëndron, nuk dorëhiqet nga pozita e kryeministrit
-
Baerbock bën fushatë për integrimin e Ballkanit, në përvjetorin e zgjerimit të BE-së në 2004
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku
