Skuadra e Utah Jazz, ka arritur që të kualifikohet në fazën çerekfinale të ligës më të fortë të basketbollit në botë, NBA.
Jazz fituan edhe përballjen e katërt radhazi kundër Memphis Grizzlies me rezultat 126:110, kështu duke quar serinë e ndeshjeve në 4:1, ku në çerekfinale do të presin fituesin e çiftit Los Angeles Clippers me Dallas Mavericks.
Jazz e dominuan ndeshjen që në çerekun e parë të ndeshjes, të cilët e përfunduan me rezultat 47:27.
Gjithashtu edhe çerekët e tjerë ishin të dominuar nga ta, ku vetëm të fundit, Grizzlies e fituan me epërsi prej 14 pikësh.
Më të dalluarit të Jazz ishin Donovan Mitchell me 30 pikë, 6 kërcime dhe 10 asistime, ndërsa Jordan Clarkson shënoi 24 pikë, Rudy Gobert kishte 23 pikë dhe 15 kërcime dhe Bojan Bogdanoviç shtoi 17 pikë për të ndihmuar në fitoren e katërt të Jazz.
Të skuadra e Grizzlies, më të dalluarit ishin Dillon Brooks me 27 pikë, pesë kërcime dhe 3 asistime, si dhe Ja Morant me 27 pikë, shatë kërcime dhe 11 asistime.
Në ndeshjen tjetër të fazës së parë të playoff-it, Dallas Mavericks mposhtën Los Angeles Clippers me rezultat 105:100, duke e quar serinë e ndeshjeve në 3:2.
Interesant është fakti se në pesë ndeshjet ndërmjet tyre të kësaj faze, asnjëra nga ekipet nuk ka fituar në shtëpi.
Ndeshja në përgjithësi shkoi e barabartë, me dy ekipet që kërkonin fitoren, por në fund e gjetën Mavericks me një epërsi prej vetëm pesë pikësh.
I jashtëzakonshëm në këtë sfidë, ishte Luka Doncic, i cili shënoi 42 pikë, 8 kërcime dhe 14 asistime.
Ndërsa në radhët e Clippers, më i miri ishte Paul George, i cili shënoi 23 pikë, 10 kërcime dhe gjashtë asistime.
Mbetet të shihet në ndeshjen e radhës, a do të barazohet seria e ndeshjeve apo Mavericks do të kalojnë në çerekfinale, ku po i presin Utah Jazz.
https://www.youtube.com/watch?v=pWxTxd2Xh_I&ab_channel=MLGHighlightsMLGHighlightsVerified
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Putin shkarkon Shoigun dhe cakton një ministër të ri Mbrojtje, në mes të luftës
-
Zimmerman: Kosova mund të pranohet në Këshillin e Evropës si anëtare e asociuar