Orët e hershme të mëngjesit të së martës (me kohën tonë lokale), ka përfunduar një tjetër xhiro në ligën amerikane të basketbollit, NBA.
Kampioni në fuqi i kësaj gare, Milwaukee Bucks, është ndalur përsëri, teksa është mposhtur në udhëtim te Boston Celtics me rezultat 117:103.
Më i miri në këtë ndeshje ishte basketbollisti i Celtics, Jayson Tatum, i cili realizoi 42 pikë, pesë kërcime e katër asistime.
Ndërsa te Milwaukee u dalluan Giannis Antetokounmpo me 20 pikë, tetë kërcime e tre asistime dhe Jrue Holiday me 20 pikë e tetë asistime.
Kjo ishte humbja e 11 për Milwaukee Bucks, të cilët me 18 fitore renditen në vendin e tretë të Konferencës Lindore, ndërsa Boston Celtics renditen në vendin e nëntë, me 14 fitore e po aq humbje.
Ndeshje tejet interesante u zhvillua në Indianapolis, aty ku Golden State Warriors shënoi fitore të ngushtë ndaj Indiana Pacers, me rezultat 100:102.
Basketbollisti më i mirë në këtë takim, ishte ai i Pacers, Domantas Sabonis i cili realizoi “duble-duble”, duke shënuar 30 pikë e 11 kërcime.
Ndërsa më i miri te Warriors ishte Stephen Curry, i cili mbylli këtë ndeshje me 26 pikë, gjashtë kërcime dhe gjashtë asistime.
Kjo ishte fitorja e 22 e Golden State, ndërsa kanë edhe pesë humbje, të cilët kryesojnë në Konferencën Perëndimore.
Derisa për Indiana Pacers, kjo ishte humbja e 17, të cilët numërojnë edhe 12 fitore.
Fitore më të lehtë në këtë xhiro shënoi Los Angeles Clippers, që triumfuan me rezultat 111:95, përball Phoenix Suns.
Më i miri në këtë ndeshje, ishte basketbollisti i Clippers, Marcus Morris, i cili arriti “duble-duble” me 24 pikë e 11 kërcime.
Ndërsa “duble-duble” arriti edhe basketbollisti i Suns, JaVale McGee, i cili realizoi 13 pikë dhe po aq asistime.
Rezultatet e ndeshjeve tjera:
Cleveland Cavaliers 105-94 Miami Heat
Toronto Raptors 124-101 Sacramento Kings
Atlanta Hawks 126-132 Houston Rockets
Memphis Grizzlies 126-91 Philadelphia 76ers
Dallas Mavericks 120-96 Charlotte Hornets
Denver Nuggets 113-107 Washington Wizards.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kërkohet vazhdimi i masës së paraburgimit ndaj Jakup Krasniqit
