Miami Heat ka shënuar fitore me rezultat 103:109 në udhëtim te Boston Celtics, kështu duke e çuar në 2:1 serinë e ndeshjeve finale të Konferencës së Lindjes.
Heat e filluan shumë mirë këtë takim, ku çerekun e parë e fituan me 21 pikë epërsi, 18:39, kështu që në vazhdim arritën ta ruajnë rezultatin, përkundër që vendasit kishin disa momente të mira.
Më i dalluari në këtë mbrëmje ishte basketbollisti i Celtics, Jaylen Brown, i cili shënoi 40 pikë e nëntë kërcime, por nuk arriti ta evitojë humbjen për ekipin e tij.
Gjithashtu te vendasit shfaqën lojë të mirë edhe Al Horford me 20 pikë e 14 kërcime dhe Marcus Smart me 16 pikë, katër kërcime e shtatë asistime, por fitorja në fund u takoi mysafirëve.
Te Heat më efikasi ishte Bam Adebayo me 31 pikë, 10 kërcime e gjashtë asistime dhe Tucker i cili kontribuoi me 17 pikë e shtatë asistime.
Edhe në ndeshjen e radhës, Celtics do të jenë vendas, takim i cili do të zhvillohet në orët e hershme të mëngjesit të datës 24 maj (me kohën tonë lokale).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës
