“Shqipëria, ‘Vendi i Shqiponjave’, fluturon sot në Ditën e Çlirimit”.
Kështu shkruhej në faqen zyrtare të Organizatës së Traktatit të Atlantikut Verior (NATO), duke uruar Shqipërinë për “Festën e Pavarësisë”.
NATO më tej e ka cilësuar Shqipërinë si një aleat të vlerësuar.
“Kontributet dhe pjesëmarrja e rëndësishme e Shqipërisë në misionet dhe stërvitjet shumëkombëshe të NATO-s tregon rëndësinë e saj strategjike për Aleancën dhe Evropën”, e mbyll urimin NATO.
Albania, the “Land of Eagles,” soars today on its Liberation Day. A valued @NATO #Ally, Albania’s significant contributions & participation in NATO's multinational missions & exercises demonstrates its strategic importance to the Alliance & Europe. #WeAreNATO @usembassytirana pic.twitter.com/PzPOTjjy5V
— U.S. European Command (@US_EUCOM) November 28, 2021
Kryeministri i Shqipërisë, Edi Rama ka ripostuar në median sociale Instragram urimin e NATO-s.
Shqipëria është anëtarësuar në NATO në vitin 2009, pas përfundimit të ratifikimit të Protokollit të Anëtarësimit nga të gjitha vendet aleate dhe depozitimit të instrumentit të aderimit në NATO në Departamentin e Shtetit.
Ky i fundit është edhe mbajtësi ligjor i Traktatit të Washington-it. Duke u bërë palë e këtij Traktati dhe shtet anëtar i NATO-s, Shqipëria përmbushi një synim strategjik dhe një objektiv parësor të politikës së Jashtme, duke avancuar ndjeshëm në realizimin e interesave të saj kombëtare.
Anëtarësimi i Shqipërisë në NATO erdhi si rrjedhojë e vendimit të rëndësishëm për zgjerimin e Aleancës, të marrë më 3 prill 2008 nga të 26 Krerët e Shteteve dhe Qeverive të Aleancës gjatë një seance të posaçme të Samitit të NATO-s Bukuresht.
Po këtë vit Shqipëria dhe Kroacia u ftuan të fillonin bisedimet për anëtarësimin.
Ky vendim erdhi pas mbylljes të ciklit të 9-të të Planit të Veprimit për Anëtarësimin (MAP) të Shqipërisë me NATO-n dhe pas kryerjes të një sërë reformave që synonin plotësimin e kritereve të nevojshme për anëtarësimin në Aleancë.
Shqipëria sot feston një Ditë të shënuar për vendin – 109-vjetorin e shpalljes së Pavarësisë, ndryshe njihet edhe si Dita e Flamurit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Salianji akuzon SHISH-in se po përdoret, thotë se ka kthyer përgjigje “për t’u tallur” në Komisionin e TIMS
-
I vunë tritol në banesë, KLGJ i cakton 6 muaj mbrojtje gjyqtarit Tonin Stërkaj
-
Hasani ndalesë në Vjenë për hapjen e Konferencës për Sistemet Autonome të Armëve
-
Tregtarët e Belshit sërish në protestë për zhvendosjen e tregut, Bashkia: Zhvillimi i tregtisë aty ishte burim aksidentesh
Lajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
I vunë tritol në banesë, KLGJ i cakton 6 muaj mbrojtje gjyqtarit Tonin Stërkaj
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kurti kërkon nga Scholzi “mbështetje të palëkundur” në Këshillin e Evropës