Kryeministri i Kosovës, Albin Kurti, nëpërmjet një postimi në platformën “X” të hëhën, njoftoi për një bisedë telefonike që zhvilloi me kancelarin gjerman, Olaf Scholz, gjatë të cilës edhe shprehu shpresën se Gjermania do ta mbështesë anëtarësimin e Kosovës në Këshillin të Evropës.
Shefi i Qeverisë së Kosovës theksoi të ketë rikonfirmuar angazhimin drejt zbatimit të obligimeve që burojnë nga Marrëveshja Bazë për normalizimin e marrëdhënieve midis Kosovës dhe Serbisë që u arrit më 27 shkurt 2023 në Bruksel të Belgjikës, pasuar nga dakordimi për planin e sekuncimit të marrëveshjes më 18 mars 2023 në Ohër të Maqedonisë së Veriut.
“Në një telefonatë me kancelarin gjerman Scholz i shpreha mirënjohjen për mbështetjen e palëkundur të Gjermanisë për Kosovën dhe nënvizova shpresën se Gjermania do ta mbështesë kandidaturën tonë për anëtarësim në KiE në përputhje me rekomandimet e PACE. Po ashtu rikonfirmova angazhimin tonë për zbatimin e plotë të Marrëveshjes Bazë”.
Ndryshe, kreu i ekzekutivit kosovar, më 23 prill, zhvilloi një bisedë telefonike edhe me presidentin francez, Emmanuel Macron, i cili potencoi se Franca i kushton rëndësi përparimit të shpejtë dhe të pakthyeshëm të Kosovës drejt themelimit të Asociacionit të Komunave me Shumicë Serbe, sidomos në kontekstin e rrugës së Kosovës për anëtarësim në Këshillin e Evropës.
Megjithatë, kryeministri Kurti u shpreh i bindur që Franca do të mbështesë anëtarësimin e Kosovës në Këshillin e Evropës, pa ndonjë parakusht tjetër. E shtetet kryesore perëndimore duan lëvizje reale, posaçërisht dërgimin e një draft-statuti për këtë mekanizëm në Gjykatën Kushtetuese përpara se Këshilli i Evropës të aprovojë kërkesën e Kosovës për anëtarësim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti me partnerët e koalicionit, diskutojnë qëndrimet e opozitës për zgjedhje të parakohshme e quajnë “çështje muajsh”
-
BE-ja e paralizuar nga Hungaria dhe Sllovakia për Gjeorgjinë
-
Komandanti i KFOR-it: Situata e sigurisë e brishtë, por jemi të pajisur mirë
-
Zelensky anulon vizitën e së premtes në Madrid
Lajmet kryesore
-
Ripërtëritja e legjitimitetit të dobësuar e largimi i fokusit nga dështimi, faktorë që detyruan Kurtin të mendojë për zgjedhje
-
Ballkani Perëndimor duhet ‘të përqafojë’ energjinë e rinovueshme për ngrohjen qendrore
-
Aktet e solidaritetit të palestinezëve do të demonizohen, por kurrë nuk kanë qenë kaq të forta
-
Takimi i shtatë për dinarin – “rasti i fundit” për një zgjidhje kompromisi