Miratimi i raportit për anëtarësimin e Kosovës në KiE, Gërvalla: Hiqet fusnota, ftohemi si shtet e jo si vend
Ministrja e Punëve të Jashtme dhe Diasporës (MPJD), Donika Gërvalla, pas miratimit në Komitetin e Asamblesë Parlamentare të Këshillit të Evropës të raportit të raportueses për Kosovën në KiE, Dora Bakoyannis, për anëtarësimin e Kosovës në këtë organizatë, ka thënë se raporti i aprovuar të mërkurën rekomandon që Kosova të ftohet si shtet e jo si vend.
Këto komente, Gërvalla i ka bërë përmes një postimi në llogarinë e saj në Facebook.
“Kosova të anëtarësohet në Këshillin e Evropës pa asnjë kusht shtesë. Ky është me pak fjalë rezultati i votimit që u mbajt sot në Paris, në Komitetin e Asamblesë Parlamentare të Këshillit të Evropës dhe ku para pak minutash u miratua me shumicë mbresëlënëse votash opinioni, i cili rekomandon anëtarësimin e Kosovës në Këshillin e Evropës pa asnjë kusht shtesë. Të gjitha propozimet e sotme për vendosjen e parakushteve të ndryshme janë refuzuar”, shkroi Gërvaqlla.
“Raporti i aprovuar sot rekomandon që Kosova, bazuar në nenit 4 të Statutit të Këshillit të Evropës të ftohet si shtet (state), e jo si vend (country)”, shtoi.
Me miratimin e këtij raporti është e hapur rruga për votimin në Asamblenë Parlamentare , i cili mbahet në mesin e muajit prill.
Suksesi i sotëm, sipas Gërvallës, “si të gjitha sukseset e mëdha të Kosovës, është rezultat jo vetëm i punës së palodhur të institucioneve të Republikës sonë dhe mbështetjes kolosale të miqve të shumtë të Kosovës”.
“Kosova është e gatshme dhe e përgatitur për t’u anëtarësuar në Këshillin e Evropës! Sa më shpejt, aq më mirë për të gjithë qytetarët e Republikës së Kosovës”.
Kryediplomatja kosovare ka bërë të ditur se opinioni, ndër hapa të tjerë të rëndësishëm për trajtimin e Kosovës si shtet të barabartë me të gjitha shtetet e tjera, kërkon largimin e fusnotës, e cila që nga viti 2008 është përdorur gjithmonë kur është përmendur Kosova në Këshillin e Evropës.
Miratohet raporti i Bakoyannis për anëtarësimin e Kosovës në KiE
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Szunyog: Rruga evropiane e Kosovës varet nga dialogu
-
Si studentët në “Columbia University” nxitën një revoltë mbarëkombëtare
-
Paradoksi italian mbi armët për Ukrainën. Më pak ndihmë nga shteti, më shumë shitje nga privatët
-
Protestat pro-palestineze po përhapen në kampuset amerikane: dhjetëra profesorë në pranga
Lajmet kryesore
-
Konventa e Lirisë – Meta shndërron partinë për të dytën herë në po aq vjet
-
SPAK firmos urdhërarreste për zyrtarë të Kadastrës, dy në burg
-
Si studentët në “Columbia University” nxitën një revoltë mbarëkombëtare
-
Pushteti refuzon të ia jep meritat ish presidentes Jahjaga për sigurimin e aparaturës që ka kosto mbi 1 milionë euro