![](https://albanianpost.com/wp-content/uploads/2023/02/7-Tomas-Szunyog-appointed-as-new-EU-Special-Representative-for-Kosovo.jpg)
Shefi i Zyrës së Bashkimit Evropian në Kosovë, Tomas Szunyog, ndërsa ka theksuar se e ardhmja e Kosovës është në BE, ka vlerësuar se një gjë e tillë do të varet nga dialogu me Serbinë.
Këto deklarata diplomati çek i ka bërë gjatë një fjalimi të tij në Forumin “Budapest Security Dialogue”.
Szunyog ndër të tjera, siç ka njoftuar nëpërmjet një postimi në platformën sociale, X, ka potencuar se blloku evropian pret që Kosova dhe Serbia të zbatojnë Marrëveshjen e Brukselit/Ohrit pa asnjë vonesë apo parakusht.
“Ne jemi të gatshëm të vazhdojmë ta ndihmojmë Kosovën të afrohet me BE-në dhe të shfrytëzojë mundësitë që ofron procesi i zgjerimit të BE-së”, ka shkruar ai.
Marrë për bazë faktin se zgjerimi është i bazuar në merita, Szunyog, ka kërkuar nga institucionet kosovare të përshpejtojnë ritmin e reformave.
“Kosova duhet të bëjë progres të prekshëm dhe të pakthyeshëm, duke filluar nga bazat, përkatësisht sundimi i ligjit, të drejtat e njeriut, ekonomia dhe funksionimi i institucioneve demokratike”.
Spoke at the #BudapestSecurityDialogue about #Kosovo's path towards the EU. I reiterated that Kosovo’s future is undoubtedly in our Union & added that we stand ready to continue helping Kosovo move closer to the EU and use the opportunities that the EU enlargement process offers.
— Ambassador Tomáš Szunyog (@EUAmbKS) April 26, 2024
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Deputetët e VV-së bllokojnë komisionin parlamentar për llogari të Selajdin Beqës, njeriu me aktakuzë që rrahu kolegun në zyrë
-
Ndryshimet në Kodin Zgjedhor, Bardhi: Zbatim i vendimeve të Gjykatës Kushtetuese
-
Prokurorët hapin hetim pasi rrjeti hekurudhor francez u godit nga zjarrvëniet
-
6 vjet pa Adem Demaçin