Ministrja e Punëve të Jashtme të Kosovës, Donika Gërvalla, është duke u hetuar nga Agjencia Kundër Korrupsionit pasi dyshohet se nuk e ka raportuar se ka në pronësi një kompani biznesi në Gjermani, shkruan Betimi për Drejtësi.
Po ashtu ajo nuk e ka pohuar se është drejtoreshë e një fondacioni në Kosovë dhe as nuk ka deklaruar pasurinë e burrit dhe fëmijëve të saj.
“Lidhur me rastin e adresuar, Agjencia kundër Korrupsionit është zhvillim e sipër të procedurës së hetimeve paraprake të mbledhjes, hulumtimit dhe analizimit të dokumentacionit dhe informacioneve të tjera relevante për rastin”, ka njoftuar AAK-ja.
Edhe ndaj ministres së Industrisë, Tregtisë dhe Ndërmarrësisë, Rozeta Hajdari, është dorëzuar kallëzim penal për mos deklarim ose raportim të rremë të pasurisë nga Agjencioni Kundër Korrupsion.
“Ju njoftojmë se Agjencia kundër Korrupsionit (AKK), për zyrtarin në fjalë ka përcjell kallëzim penal në Zyrën e Kryeprokurorit të Shtetit lidhur me veprën penale “Mos raportimi ose raportimi i rremë i pasurisë, i të ardhurave, i dhuratave i dobisë tjetër materiale ose i detyrimeve financiare” nga neni 430 paragrafi 1 të Kodit Penal të Kosovës”, theksoi Buleshkaj.
Por, Hajdari pati potencuar se është njoftuar nga mediat se Agjencia kundër Korrupsionit ka dorëzuar kallëzim penal kundër saj për gjoja mos deklarim ose deklarim të pasaktë të pasurisë.
Ajo e ka mohuar një gjë të tillë.
“Gjatë gjithë kohës si zyrtare publike, unë kam përmbushur detyrimin ligjor për deklarim të pasurisë dhe deklarimet përkatëse ndodhen në faqen e AKK-së”, kishte shkruar Hajdari në Facebook.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi, simpatizuesve të “Frontit Evropian”: VLEN-it duhet t’i jepni grusht, s’keni arsyeje ta votoni
-
Xhaferi: T’i tregojmë botës që s’jemi ne që bëjmë probleme, dilni votojeni “Frontin Evropian” më 8 maj
-
Vladimir Putin shkuli zemrën e një dreri për t’ia dhënë Silvio Berlusconit
-
Basha i reagon Gutierrezit: Me “boll më” mund t’u drejtohesh veç fëmijëve – unë jam deputet i pavarur në mendime
Lajmet kryesore
-
Pjesëmarrje masive në tubimin qendror të Frontit Evropian në Tetovë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit