E shtuna në NBA ishte dramatike me një ndeshje fantastike ku befasitë nuk munguan. Milwaukee Bucks fitoi përballë Brooklyn Nets me rezultat 115:111.
Bucks tanimë kanë fituar ndeshjen e katërt, e cila i bënë finalistët e parë të konferencës lindore këtë sezon. Ndeshja ishte e baraspeshuar nga fillimi, e cila rezultoi me pa fitues në kohën e rregullt.
Kevin Durant ishte ai i cili barazoi rezultatin në kohën e rregullt, duke shënuar një gjuajtje shumë të vështirë mbi PJ Tucker.
Lëndimi i Kyrie Irving i penalizoi shumë Nets, pasi edhe James Harden nuk ishte plotësisht i gatshëm të luaj për shkak të lëndimit që pësoi në serinë me Boston Celtics.
Durant kishte një performancë të paharrueshme ku u bë lojtari i parë që shënon 48 pikë në një ndeshje të shtatë.
Giannis Antetokounmpo pati po ashtu një performancë fantastike ku arriti 40 pikë me 13 kërcime e 5 asistime.
Lojtarë që kontribuuan në fitore ishin edhe Khris Middleton me 23 pikë e 10 kërcime dhe PJ Tucker i cili kishte vetëm 11 pikë, por bëri një mbrojtje të jashtëzakonshme.
Ndërsa te Nets, të mirë ishin edhe Harden me 22 pikë, 9 kërcime e 9 asistime dhe Blake Griffin me 17 pikë e 11 kërcime.
Milwaukee Bucks do presin në finalen e konferencës lindore, fituesin e ndeshjes Philadelphia 76ers- Atlanta Hawks.
Ndërs,a ndeshja e parë e finales së Konferencës Perëndimore mes Phoenix Suns dhe LA Clippers fillon në ora 21:30 (me orën tonë lokale).
https://www.youtube.com/watch?v=RY8H8WL–h0
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Amerika autorizon Ukrainën të godasë Krimenë me raketa me rreze të gjatë
-
Edhe Britania e do Asociacionin sa më shpejt që të jetë e mundur