Piloti i Haas, Mick Schumacher është në gjendje të mirë shëndetësore, pas aksidentit të frikshëm që pësoi në kualifikimet e Çmimit të Madh të Arabisë Saudite.
Përmes një postimi në profilin e tij në Twitter, Schumacher tha se gjithçka është në rregull me të, teksa falënderoi fansat për kujdesin ndaj tij.
Hi everyone, I just wanted to say that I’m ok🙏
Thank you for the kind messages.
The car felt great @haasf1team, we’ll come back stronger❤️ pic.twitter.com/Mwpy0767kN— Mick Schumacher (@SchumacherMick) March 26, 2022
“Përshëndetje të gjithëve, thjesht doja të them se jam mirë. Faleminderit për mesazhet e mira. Makina e Haas ndihej mirë, do të kthehemi më të fortë”, ka shkruar Schumacher.
I biri i shtatë herë kampionit botëror në Formula 1, Michael Schumacher, e pati një përplasje të frikshme në një kthesë pasi e humbi kontrollin e makinës.
Red Flag 🚩
Mick Schumacher has a heavy hit at Turn 12. #SaudiArabianGP #F1 pic.twitter.com/12lBHlXRex
— TSN (@TSN_Sports) March 26, 2022
Si rezultat i këtij aksidenti, 23 vjeçari përfundoi në spital, derisa në pistë u ngrit flamuri i kuq për t’u futur ekipi mjekësor.
Ai më pas u transferua me helikopter në Spitalin e Forcave të Armatosura, ‘King Fahad’ në Jeddah, për t’i kryer kontrollet e mëtejshme.
Pas aksidentit, skuadra njoftoi se Schumacher nuk do të marrë pjesë në Grand Prix-in e planifikuar për të dielën, duke shtuar se vetëm një nga pilotët e tyre, Kevin Magnussen, i cili u kualifikua i 10-ti për garën e së dielës, do të marrë pjesë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com