Michelle Obama do të jetë pjesë e një shou në Netflix, që ka për qëllim t’u mësojë fëmijëve kënaqësinë e gatimit karshi ngrënies së ushqimeve të gatshme.
Ajo do ta luajë rolin e pronares së një supermarketi karshi Waffles and Mochi, nga The Land of the Frozen Food.
Ish-Zonja e Parë e Shteteve të Bashkuara të Amerikës, e ka përshkruar serinë, që quhet Waffles + Mochi dhe do të lansohet muajin e ardhshëm, si “shou i ngrohtë dhe magjik”.
Ajo dhe bashkëshorti i saj Barack Obama janë ndër producentët ekzekutivë të shout.
Çifti pati nënshkruar marrëveshje për prodhimin e serive dhe filmave për Netflix më 2018. Produktet e saj përfshijnë Becoming, dokumentar i vitit 2020, i bazuar në autobiografinë e saj shumë të shitur.
Tek Waffles + Mochi, ajo do ta ndihmojë çiftin e kukullave, që janë ngopur duke ngrënë akullore dhe ëndërrojnë të bëhen shef kuzhine.
Michelle ka folur në superlativ për shoun, të cilin e ka quajtur “zgjatim të punës për mbështetjen e shëndetit të fëmijëve si zonjë e parë”.
“Unë do të doja shumë që ky shou të ekzistonte kur po rriteshin vajzat e mia, sepse është i atij tipi që mund të shikohet me familje dhe u jep prindërve qetësinë mendore duke ditur që fëmijët e tyre mund të mësojnë diçka, po ashtu”.
Kjo nuk është hera e parë që Michelle Obama bën punë që ndërlidhet me kukullat. Më 2013, ajo pati ftuar karakteret e Sesame Street në Shtëpinë e Bardhë, si pjesë e kampanjës për ta ndryshuar mënyrën e ushqimit të fëmijëve në Amerikë dhe për ta luftuar obezitetin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE