“Michael”, filmi i ri biografik kushtuar jetës, karrierës dhe sfidave të ikonës së pop-it Jackson do publikohet në vitin 2025

Ikona e ndjerë e muzikës botërore, Michael Jackson do të rikthehet në ekran më 18 prill të vitit 2025 me “Michael”, një film biografik me regji të Antoine Fuqua dhe ku do të luaj edhe nipi i Mbretit të Popit, Jaafar Jackson, në rolin e tij të parë madhor.

Lionsgate do e publikojë filmin brenda Shteteve të Bashkuara të Amerikës, ndërsa Universal do merret me shpërndarjen jashtë shtetit. Filmi do të nisë prodhimin më 22 janar.

Prodhuar nga “Bohemian Rhapsody’s” Graham King dhe me skenar të John Logan, në përmbledhjen zyrtare të filmit thuhet se “”Michael” do t’i sjellë audiencës një portretizim tërheqës dhe të ndershëm të njeriut brilant, duke shpalosur detaje se si u bë Mbreti i Popit.

Filmi paraqet triumfet dhe tragjeditë e tij në një shkallë epike, kinematografike – nga ana e tij njerëzore dhe betejat personale deri te gjeniu i tij i pamohueshëm krijues, i ilustruar nga performancat e tij më ikonike.

Si kurrë më parë, audienca do të përjetojë një vështrim të brendshëm të një prej artistëve më me ndikim dhe më të spikatur që bota ka njohur ndonjëherë.

John Branca dhe John McClain, bashkëekzekutuesit e pasurisë së Michael Jackson, do të prodhojnë gjithashtu filmin, i cili mund të ndikojë në mënyrën se si “Michael” përshkruan akuzat e shumta për abuzim seksual të fëmijëve që u ngritën kundër këngëtarit gjatë karrierës së tij dhe pas vdekjes së tij.

Jackson ka mohuar akuzat për abuzim seksual të fëmijëve dhe ai u gjykua – dhe u shpall i pafajshëm – për ngacmim të fëmijëve në vitin 2003.

Jackson vdiq në vitin 2009 në moshën 50-vjeçe.

“Michael” është në datën e mbajtur më parë nga “The Exorcist: Deceiver”, i cili u hoq nga programi i ardhshëm teatror i Universal së bashku me lajmet se regjisori David Gordon Green ishte larguar nga projekti.

Vazhdimi i “Exorcist” fillimisht ishte planifikuar për 18 prill 2025, por është lënë në pritje për një kohë të pacaktuar pasi Universal dhe Blumhouse filluan kërkimin për një regjisor të ri.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.