Kombëtarja e Maqedonisë së Veriut, ka arritur të kualifikohet në zonën play-off të Kupës së Botës, “Katar 2022”.
Maqedonasit mposhtën Islandën me rezultat 3:1, në ndeshjen e fundit kualifikuese, sukses ky që ua garantoj vendin e dytë të Grupit J, me 18 pikë, një më shumë se vendi i tretë Rumania.
Esgjan Alioski kaloi Maqedoninë e Veriut në epërsi që në minutën e shtatë të ndeshjes, ku rezultati i pjesës së parë u mbyll me epërsi minimale të vendasve.
Me të filluar pjesa e dytë, islandezët barazuan përkohësisht rezultatin me golin e shënuar nga Jon Dagur Thorsteinsson.
Por, Eljif Elmas riktheu epërsinë në minutën e 65-të të ndeshjes për maqedonasit, kurse tre minuta para fundit shënoi edhe golin e tretë, për rezultatin përfundimtar 3:1.
Pra, Maqedonia e Veriut, pas pjesëmarrjes për herë të parë në Evropianin e kaluar, tani ka mundësinë të jetë pjesëmarrëse edhe me një garë prestigjioze, siç është Kupa e Botës, ku këtë sukses duhet ta kërkojë përmes zonës play-off.
Në orën 18:00 u zhvilluan edhe dy ndeshje tjera të këtij grupi.
Gjermania mposhti në udhëtim Armeninë me rezultat 1:4, ndeshje në të cilën Kai Havertz dhe Ilkay Gundogan shënuan dy gola në pjesën e parë.
Kurse në të dytën, për gjermanët realizuan përsëri Gundogan dhe golin e gjeti Jonas Hofmann, ndërsa për Armeninë shënoi golin e nderit Henrikh Mkhitaryan.
Ndërsa në ndeshjen tjetër të këtij grupi, Rumania arriti fitore në udhëtim te Liechtenstein me shifrat 0:2.
Rumunët realizuan nga një herë në secilën pjesë të ndeshjes, sukses ky i cili i ngriti në vendin e tretë të grupit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Stoltenberg qorton aleatët për mbështetjen e vakët ndaj Ukrainës
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës