Mal i Zi: Protesta kundër tërheqjes së ligjit për autonominë fetare

Mijëra qytetarë të Malit të Zi u mblodhën sot para Parlamentit të Malit të Zi për të shprehur pakënaqësinë e tyre lidhur me tërheqjen e ndryshimeve të Ligjit për Lirinë e Fesë.

Mazhoranca e re e cila ka votuar heqjen e ligjit për autominë fetare, ka shkaktuar një zemërim të turmës.

“Ne nuk do të heqim dorë nga Mali i Zi. Mali i Zi unë të dua”, ishin disa nga thirrjet e turmës.

Deputetët e opozitës, të cilët kaluan ndryshimet e para në Kuvend dhanë mbështetjen e tyre për qytetarët e mbledhur.

“Që nga sot, ne po bëhemi vendi i vetëm në Evropë në të cilin çmimi i të besuarit të besimit përbën një heqje dorë nga kombi”, tha Nemanja Batrićević gjatë një interviste për shtyp.

Ai gjithashtu shtoi se kjo përfaqësonte një tradhti të paparë. Ju përsëri po dorëzoni Malin e Zi,” tha Batrićević, duke përsëritur moton e tij “poshtë tradhtarët”.

Më 8 shtator, Kryeministri i Malit të Zi, Zdravko Krivokapic tha se qeveria e re do të tërheqë ligjin e miratuar në dhjetor të 2019.

“Ligji rrezikon të drejtat e pronës”, ka thënë Zdravko.

Ligji ka bërë thirrje për krijimin e një regjistri për të gjitha ndërtesat fetare dhe vendet në pronësi të mbretërisë së pavarur të Malit të Zi përpara se të bëhej pjesë e Mbretërisë së Serbëve, Kroatëve dhe Sllovenëve. Sipas burimeve miratimi i këtij ligji ka zemëruar komunitetin e madh serb dhe kishën ortodokse serbe.

Ekipet qeveritare dhe Kisha dështuan gjithashtu të bien dakord mbi propozimet për ndryshimin e ligjit në 21 Qershor, pasi Kisha hodhi poshtë një propozim të qeverisë që ajo të riregjistrohej, duke këmbëngulur se ajo kishte ekzistuar në Malin e Zi për shekuj./AlbanianPost.com 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.