Presidenti i Shqipërisë, Ilir Meta, ka shprehur ngushëllimet “më të ndjera” për jetët e humbura nga shpërthimi i zjarrit në spitalin e Tetovës.
Në mesazhin e tij, Meta është solidarizuar me autoritetet shtetërore të Maqedonisë së Veriut, që po bëjnë “përpjekje maksimale” për të shpëtuar sa më shumë jetë dhe vënë nën kontroll situatën.
“Me shqetësim dhe trishtim të thellë po përcjell tragjedinë e ndodhur në spitalin e Tetovës”, shkruan Meta për ngjarjen në Tetovë, që e cilëson “tepër të rëndë dhe tronditëse veçanërisht për numrin e viktimave të raportuara”.
Ndërsa ndan “dhembjen e madhe me familjarët e viktimave”, Meta u ka uruar shërim të shpejtë të lënduarve.
Përmes një postimi në median sociale Facebook, ai shkruan “lutje për Tetovën”, duke shprehur kështu dhimbjen për viktimat që humbën jetën nga zjarri i rënë në spital modular COVID-19.
Edhe kreu i opozitës shqiptare, Lulzim Basha, përmes një postimi në median sociale Twitter, shprehet “i pikëlluar, për lajmet e hidhura që vijnë nga Tetova”.
“Në këtë ditë tragjike i bashkohem dhimbjes së familjarëve dhe të afërmve të viktimave e ju shpreh ngushëllimet më të sinqerta”, shkruan ai ndërsa uron për shërim të shpejtë të të lënduarve.
Pikëlluese lajmet e hidhura qe vijnë nga Tetova. Në këtë ditë tragjike i bashkohem dhimbjes së familjarëve dhe të afërmve të viktimave e ju shpreh ngushëllimet më të sinqerta. Zoti u dhëntë forcë për ta përballuar këtë tragjedi. Shërim të shpejtë të lënduarve. Lutemi për Tetovën!
— Lulzim Basha (@lulzimbasha_al) September 8, 2021
Ngushëllimet më të ndjera për familjarët e viktimave ka shprehur dhe kreu i Bashkisë së Tiranës, Erion Veliaj.
Gjithashtu ju ka dëshiruar shërim të shpejtë të plagosurve, ndërsa ka kurajuar ekipet e emergjencave”.
🖤 Ngushellimet me te ndjera nga Tirana qytetareve te Tetoves per jetet e prekura nga shperthimi i zjarrit ne spitalin modular.
Sherim te shpejte te plagosurve, kuraje ekipeve te emergjencave dhe kolegeve tane @teutaarifi, @ArtanGrubi, A.Ahmeti dhe autoriteteve te Maqedonise V.!
— Erion Veliaj #EYC2022 🇪🇺🇦🇱 (@erionveliaj) September 8, 2021
Këtë e ka bërë të ditur ministri për Shëndetësinë në Maqedoninë e Veriut, Venko Filipçe, përmes një postimi në median sociale Twitter.
Po ashtu, ministri Filipçe shtoi se “mjekët po luftojnë për jetën e të plagosurve”, duke u qëndruar afër “bashkëqytetarëve tanë”.
Ndër të tjera u ka bërë apel mediave që “të mos spekulojnë” me numrat e viktimave.
“Ne do të ndajmë të gjitha informacionet zyrtare në kohën e duhur”, sqaron ministri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
‘Ditët e Bujqësisë’: Bashkëpunim rajonal me fokus fuqizimin e bujqësisë dhe zhvillimin rural
-
Peleshi në Ministerialin e CEDC-Ballkani Perëndimor: Shqipëria, promovuse e bashkëpunimit rajonal dhe fqinjësisë së mirë
-
Shpërndante kokainë me doza në Shëngjin, arrestohet 26-vjeçari
-
Në tre muaj 1.5 milionë turistë vizituan Shqipërinë, 43,4% më shumë se vitin e kaluar