Penza është kualifikuar në finale të Ligës Unike për Femra, duke mundur Bashkimin në gjysmëfinale me shifrat 83:57 (13:17, 21:10, 23:14, 26:16).
Fillimi i ndeshjes ishte i barabartë, ku Penza e nis me një seri prej 5:0, por më pas rikthehen prizrenaset, duke barazuar rezultatin dhe zhvillohet një lojë e barabartë, ndërsa në fund të çerekut të parë, me katër pikë nga skuadra prizrenase, kjo pjesë përfundon 13:17.
Pas pesë minutave të barabartë në periudhën e dytë, vashat pejane morën lojën në duar, duke qenë më të mira në parket, ku krijuan epërsi prej 13 pikësh, 34:21, ndërsa pjesa e parë përfundon 34:27.
Skuadra pejane vazhdoi me lojë të mirë edhe në periudhën e tretë, duke thelluar edhe më shumë epërsinë, që shkoi deri në 17 pikë, 54:37, kurse rezultati në semafor pas 30 minutash ishte 57:41.
Në dhjetë minutat e fundit, vashat pejane menaxhuan lojën dhe ngritën epërsinë, duke triumfuar në fund me shifrat 83:57.
Penza në finale do të ndeshet me fituesin e ndeshjes Prishtina-Flamurtari, që zhvillohet nga ora 19:00.
Te Penza u dallua Rael Whitsitt me 24 pikë e 18 kërcime, Valbona Bytyqi me 19 pikë dhe Narlyn Mosquera me 16 pikë, kurse te Bashkimi u dalluan Era Shatri me 17 pikë dhe Porsche Poole me 17 pikë.
24 Mars
16:00 Bashkimi-Flamurtari, për vendin e tretë
19:00 Penza-Prishtina, finalja e madhe
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës
