Libri i Princit Harry arrin 400 mijë kopje të shitura në ditën e parë

Kujtimet kontroverse të Dukës së Sussex-it janë shndërruar në librin jo-fiction më të shitur.

Autobiografia “Spare” e princit Harry, pas botimit arriti një rekord prej 400 mijë kopjesh të shitura si tekst, format elektronik dhe format audio.

Larry Finlay, drejtor menaxhues i Transworld Penguin Random House, ka thënë se dihej që ky libër do të fluturonte, por “po i tejkalon edhe pritshmëritë më të mëdha”.

“Me sa dimë, të vetmit libra që janë shitur më shumë në ditën e tyre të parë janë ata me aktorin tjetër Harry (Potter)”, ka shtuar ai.

Në Mbretërinë e Bashkuar, libraritë u hapën herët të martën e 10 janarit për të ofruar librin e Harry-t. Por radhët ishin të pakta pas rrjedhjeve përpara publikimit, me ekspertët e industrisë që parashikonin se “Spare” do të ishte një nga titujt më të shitur të para-porositjes së dekadës së kaluar.

Libri shitet për 14 paund, jo çmimi i rekomanduar me pakicë prej 28 paund, në vende të tilla si Waterstones dhe WH Smith, si dhe në internet në Amazon.

Tifozët të familjes mbretërore mësohet se kanë qëndruar në radhë deri në hapjen e dyqaneve në mesnatë, me një pjesë të vogël që kanë pritur jashtë WH Smith në stacionin Victoria të Londrës për të qenë ndër të parët që do të blinin një kopje.

“Unë nuk dua t’i them askujt se çfarë të mendojë për të, dhe kjo përfshin familjen time. Ky libër dhe të vërtetat e tij janë në shumë mënyra një vazhdim i rrugëtimit tim të shëndetit mendor”, ka thënë vetëprinc Harry gjatë një interviste.

“Është një përshkrim i papërpunuar i jetës sime – të mirat, të këqijat dhe gjithçka në mes”, ka vijuar ai.

Mungesa e Dianës është prania më e madhe e ditarit të Harryt

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.