Të enjten, e nëntë dhjetorit, janë publikuar gjetjet e hulumtimit “Perceptimet e sektorit privat rreth prokurimit publik”, nga Lëvizja FOL.
Yllka Buzhala, anëtare e Lëvizjes “FOL”, ka thënë se bizneset e anketuara janë të 18 profileve dhe 60 përqind prej tyre janë realizuar në Prishtinë.
“Sa i përket profilit të bizneseve janë 18 biznese. Ndërsa 60 përqind anketa janë realizuar në Prishtinë”.
Kjo lëvizje, e cila merret me monitorimin e prokurimit publik, ka realizuar një varg aktivitesh siç është lansimi i portalit transparent.
Kurse këtë vit, sipas Buzhalës, në fokus kanë qenë bizneset që lidhin kontrata me institucione si dhe qasja e prokurimit ndaj bizneseve.
“Këtë vit FOL, e ka fokusin edhe në bizneset që lidhin kontrata me institucione. Sa është prokurimi publik i qasshëm ndaj bizneseve. Llojet e prokurimit janë shërbime, ndërtim dhe furnizime. Ne kemi marrë biznese që janë pjesë në aktivitete të prokurimit publik”, deklaroi ajo.
Ndërkaq Ardi Shatri, ka deklaruar se 67 përqind e bizneseve janë ballafaquar me sfida të rënda gjatë pandemisë.
Ai thotë se, më shumë se gjysma e bizneseve, pretendojnë se korrupsioni është i pranishëm në prokurim publik.
“Mbi gjysma e bizneseve mendojnë që korrupsioni është i pranishëm në prokurim publik. Ata që ndikojnë janë zvarritja e proceseve gjyqësore”.
Por, sipas tij prokurimi publik bëhet në formë të hapur dhe partitë politike e konsiderojnë këtë proces si një faktor mjaft të rëndësishëm.
“Prokurimi publik bëhet në formë ta hapur. Partitë politike i konsiderojnë faktor të rëndësishëm se si zhvillohet prokurimi publik. 45 përqind e bizneseve e kanë përmend tenderin si problem kyç në prokurimin publik. Partitë politike kanë rol se qysh rregullohet prokurimi publik”, është shprehur Shatri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
