Emisari i Bashkimit Evropian për dialogun Kosovë-Serbi, Miroslav Lajçak këtë të mërkurë do të qëndrojë në Serbi për një vizitë një ditore.
Ai do të takohet me presidentin e Serbisë, Aleksandar Vuçiç.
Sipas njoftimit të presidencës serbe, ky takim do të mbahet në orën 12:00 në Beograd, sipas medies serbe B92.
Ende nuk është bërë e ditur se cilat do të jenë temat e diskutimit mes Lajçak dhe Vuçiçit, por padyshim se në mesin e tyre do të jetë dialogu.
Derisa ky takim i dyshes është paralajmëruar që do të zhvillohet këtë të mërkurë, në të njëjtën kohë në Bruksel pritet të zhvillohet takimi i radhës në kuadër të dialogut Kosovë-Serbi.
Zëvendëskryeministri i Kosovës , Besnik Bislimi dhe përfaqësuesi i palës serbe, Petar Petkoviç, do të takohen në kuadër të diskutimit mbi marrëveshjen për targat.
Në ndërkohë që, zëdhënësi i Bashkimit Evropian, Peter Stano, ka thënë të martën, në 9 vjetorin e nënshkrimit të Marrëveshjes së Brukselit, se tani është koha për të ecur përpara dhe për të “përfunduar me sukses” procesin e dialogut për normalizimin e marrëdhënieve ndërmjet Kosovës dhe Serbisë.
Ai tha se me nënshkrimin e Marrëveshjes, Prishtina dhe Beogradi zyrtar kanë marrë obligime të rëndësishme ndërkombëtare dhe ka theksuar se të dyja palët duhet të zbatojnë plotësisht gjithçka që është rënë dakord.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shpresa e fundit e Salvinit qëndron në ndërtimin e një ure për në Siçili
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Mes tensioneve për Gazën, shtyhet vizita e Erdogan në Shtëpinë e Bardhë
-
Thaçi: Ëndrra ime është që të gjithë shqiptarët të jetojnë në një shtet
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE