Kryeministri i Kosovës, Albin Kurti, në mbledhjen e Qeverisë së Kosovës ka folur për arratisjen e Enver Sekiraqës – i dënuar për nxitje në vrasjen e policit Triumf Riza, duke thënë se situata bëhet akoma më e rënduar kur ngjarje të tilla s’ngjajnë më si rastësi.
“Më e rëndë bëhet situata kur këso rastesh nuk përbëjnë më përjashtim, nuk ngjajnë më si rastësi”, ka deklaruar Kurti.
Kreu i ekzekutivit, fajësoi sistemin gjyqësor për arratisjen e Sekiraqës.
“Të gjitha ata e kanë njohur Triumfin e përshkruan një zëri, si profesionist, të shkathët në detyrë, e shumë njerëzor me qytetarë. Triumfin e kam takuar edhe unë dhe kam këtë përshtypje. Arratisja e personit përgjegjës për vrasjen e Enver Sekiraqës, është dështim i sistemit tonë gjyqësor – që vazhdon të arratiset vetë nga drejtësia”.
Të shtunën, Policia e Kosovës kishte bërë të ditur se Enver Sekiraqa tash e dy ditë nuk është gjetur në shtëpinë e tij.
Policia e Kosovës, ka njoftuar se tashmë janë ndërmarrë të gjitha masat për informim dhe ndalim në të gjitha vendkalimet kufitare ndaj Enver Sekiraqës – i dënuar për nxitje në vrasjen e policit Triumf Riza
Policia e Kosovës kishte bërë të ditur se kishin marrë urdhër nga Gjykata e Apelit për të sjellë Sekiraqën në paraburgim, pasi që të njëjtit i ishte ndryshuar masa e sigurisë.
Gjykata Themelore e Prishtinës, më 3 maj e ka dënuar me 25 vjet burgim Enver Sekiraqën për nxitje në vrasjen e policit Triumf Riza.
Sekiraqës i ishte ndërprerë edhe masa e arrestit shtëpiak.
Gjykata Themelore në Prishtinë, më 16 shtator 2019, e kishte shpallur fajtor Enver Sekiraqën për nxitje në vrasjen e ish-policit Triumf Riza dhe i kishte shqiptuar dënim në kohëzgjatje prej 30 vjetësh.
Megjithatë, Gjykata e Apelit më 6 mars 2020, kishte vendosur të aprovojë ankesën e mbrojtjes së Sekiraqës duke e kthyer rastin për të dytën herë në rigjykim, pasi sipas Apelit aktgjykimi i shkallës së parë ishte marrë me shkelje të dispozitave të procedurës penale.
Në prill të vitit 2014, Prokuroria Speciale e Republikës së Kosovës kishte ngritur aktakuzë ndaj Enver Sekiraqës për tri vepra penale, për nxitje në vrasjen e Triumf Rizës, “detyrim” dhe “dhunim”, ku për këtë të fundit, gjykata e shkallës së parë e kishte shpallur të pafajshëm.
Polici Triumf Riza, u vra me armë zjarri më 30 gusht 2007 me të dalë nga një lokal në lagjen “Dardania” në Prishtinë.
Për vrasjen e tij ishte dënuar Arben Berisha, i cili ka pranuar se ka shtënë në drejtim të Rizës.
Këtij incidenti, siç thonë nga Prokuroria, i kanë paraprirë një seri incidentesh, ku më i voni ishte incidenti në “Swiss Casino” në dhjetor 2006.
Në incidentin në “Swiss Casino”, ishin të përfshirë Enver Sekiraqa dhe disa shoqërues të tij në njërën anë, dhe i ndjeri Triumf Riza e Arben Selmani në anën tjetër.
Në këtë incident i plagosur rëndë kishte mbetur Arben Selmani.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Sveçla: Konfiskimi i armëve dëshmon vendosmërinë për të luftuar tendencat destabilizuese të Beogradit
-
Osmani kërkon nga presidentja e Zvicrës thellim të bashkëpunimit dhe forcim të partneritetit
-
Armatimi i gjetur ishte fshehur nga terroristët e Banjës, operacioni i policisë në bashkëpunim me AKI-në
-
Blair letër Kurtit: E ardhmja e Kosovës është e ndritur
Lajmet kryesore
-
Kombëtarja mbyll përgatitjet për sfidën e parë në Euro 2024 në stadiumin e Dortmundit
-
Basha lajmëron rekurs në Gjykatën e Lartë për vulën, por nuk përjashton krijimin e një partie të re
-
Putini parashtron kushtet e tij për armëpushim në Ukrainë
-
Armatimi i gjetur ishte fshehur nga terroristët e Banjës, operacioni i policisë në bashkëpunim me AKI-në