Një ngjarje e rëndë ka ndodhur mbasditen e së mërkurës në Divjakë, ku një shtetas ka mbytur të atin e tij 85 vjeç.
Sipas autoriteteve, autori i dyshuar, shtetasi A. S., 58 vjeç ka mbytur të atin e tij, shtetasin M. S., 85 vjeç, banues në Remas, Divjakë, për motive të dobta.
Autori është arrestuar nga Policia dhe po punohet për zbardhjen e rrethanave të ngjarjes.
Ndërkohë që thuhet se, gjatë momentit kur autori u kap nga Policia, ka qenë në gjendje të dehur.
I moshuari jetonte në shtëpi me dy djemtë e tij, të cilët mendohet se janë të sëmurë mendorë dhe me kartelë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com