Kosova dhe Turqi synojnë që bashkëpunimi në fushën e arsimit të konkretizohet edhe më shumë kur të arrihet një marrëveshje mes dy vendeve.
Marrëveshja synon të përfshijë fushën e teknologjisë së informacionit, zhvillimit profesional të mësimdhënësve, arsimit të lartë, si dhe programet e shkëmbimit të studentëve e profesorëve.
Kjo ishte temë e diskutimit mes Kryeministrit të Republikës së Kosovës, Albin Kurti, me Ministrin e Arsimit Kombëtar të Republikës së Turqisë, Mahmut Özer.
Kurti ka thënë se objektivi i Qeverisë është ndërlidhjen e arsimit me tregun e punës, me synimin për të kthyer vëmendjen e punës kah dija dhe arsimi, kah hulumtimi e inovacioni.
Kryeministri ka potencuar zotimin e Qeverisë për “mundësi të barabarta dhe gjithëpërfshirëse në arsim për fëmijët nga grupet e margjinalizuara, drejt zvogëlimit të hendekut në arritjet arsimore të komuniteteve dhe personave me nevoja të veçanta”, thuhet në njoftim të zyrës së kryeministrit.
Ndërsa, ministri turk i arsimit, Özer ka shprehur gatishmërinë për të vazhduar përkrahjen për arsimin në Kosovë në çfarëdo forme të nevojshme.
Kosova ishte destinacioni i parë jashtë vendit i ministrit turk të arsimit, andaj ai është shpreh i lumtur me stabilitetin dhe prosperitetin në Kosovë, si dhe bashkëjetesën mes komuniteteve, që përfshinë edhe komunitetin turk.
Kryeministri Kurti ka falënderuar Turqinë për përkrahjen e dhënë për Kosovën, posaçërisht për mbështetjen në projekte të arsimit, si burim i rëndësishëm për zhvillimin e qëndrueshëm ekonomik e shoqëror të Kosovës.
Në takim ishin të pranishëm edhe ministrja e Arsimit, Shkencës, Teknologjisë dhe Inovacionit, Arbërie Nagavci dhe ministri për Zhvillim Rajonal, Fikrim Damka.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lajçak me presidentin e Finlandës flasin për dialogun
-
Nis protesta e opozitës përpara Bashkisë Tiranë, sërish tymues e molotovë drejt godinës
-
PD i kërkon SPAK të hetojë një skemë të pretenduar: Kompania e lidhur me restorantin e Maznikut dhe Fugës fitoi 4 tenderë publikë pa garë
-
Çela në Komisionin e Ligjeve: Harta e re gjyqësore u zbatua me sukses, infrastruktura problem për t’u zgjidhur
Lajmet kryesore
-
PD-ja gati për zgjedhje, nis caktimi i drejtuesve të rinj të qarqeve
-
Çela në Komisionin e Ligjeve: Harta e re gjyqësore u zbatua me sukses, infrastruktura problem për t’u zgjidhur
-
Ish-spiuni i Policisë Sekrete të Kinës zbulon operacionet, që synojnë disidentët në Australi dhe jashtë saj
-
Osmani: BE-ja s’po na tregon çfarë të bëjmë për t’u anëtarësuar – ka krijuar bllokadë për çështje të brendshme politike