Komunës së Gjakovës i shqiptohet gjobë prej 20 mijë euro për publikimin e të dhënave personale
![](https://albanianpost.com/wp-content/uploads/2024/06/Komuna-e-Gjakoves.jpg)
Agjencia për Informim dhe Privatësi (AIP), i ka shqiptuar një gjobë prej 20 mijë euro Komunës së Gjakovës, pasi kjo komunë kishte publikuar në ueb faqen e saj zyrtare, për një kohë lista me të dhëna personale të qytetarëve të cilët kanë fituar subvencione shëndetësore për vitin 2024.
Në njoftimin e kësaj agjencie, në rrjetin social Facebook, ata kanë bërë të ditur të dhënat që janë bërë publike.
“Pas përfundimit të procedurave inspektuese, AIP ka konstatuar se Komuna e Gjakovës ka publikuar lista me të dhënat e subjekteve personale (të dhëna të ndjeshme), të cilat lista kanë përmbajtur të dhëna personale si: emrin, mbiemrin, vitin e lindjes, numrin personal, diagnozën e sëmundjes, numrin e llogarisë bankare, numrin e telefonit të personave fizik”, thanë ata.
Lidhur me këtë çështje, nga kjo agjenci, kanë thënë se kanë ndërmarrë veprime ligjore ndaj komunës.
Më tej, nga AIP-ja, u theksua se do të vazhdojnë inspektimet në ueb faqet e tjera sidomos në komunat e Kosovës.
“Në të kundërtën Agjencia për Informim dhe Privatësi, në bazë të kompetencave ligjore është e detyruar të ndërmarrë veprimet dhe masat e duhura në harmoni me Ligjit Nr. 06/L-082 për Mbrojtjen e të Dhënave Personale”, thuhet në njoftim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lavdërohet Murati: 6 muaj kemi mbështetur mbi 61 mijë familje duke ua subvencionuar faturat e rrymës
-
Dorëheqja e serbëve nga Policia në Veri – “disa kërkuan të kthehen”
-
“Ulqini, shtëpi e dytë për kosovarët”, Osmani uron kryetarin e ri Genci Nimanbegun
-
Hamza optimist: Do të jem kryeministër i ardhshëm i Kosovës
Lajmet kryesore
-
“Black out” energjetik në rajon, Komisioni Evropian nis hetim ndërkombëtar për incidentin
-
Metani takim me homologun e tij francez: Forcim i standardeve profesionale dhe të etikës së magjistratëve
-
Çështja ndaj Trump për dokumentat sekrete – mbrojtja sfidon emërimin e Prokurorit të Posaçëm
-
Dorëheqja e serbëve nga Policia në Veri – “disa kërkuan të kthehen”