Kryetari i Komunës së Pejës, Gazmend Muhaxheri ka pritur të enjten në takim kryetarin e degës së Partisë Demokratike të Kosovës në Pejë, Xhavit Haliti me të cilin kanë nënshkruar koalicionin për të qeverisur në Komunën e Pejës edhe katër vjet.
Kështu është bërë e ditur përmes një njoftimi nga Komuna e Pejës.
“Në takim është nënshkruar marrëveshja për të qeverisur në Pejë edhe në katër vitet e ardhshme, ku nga kjo marrëveshje LDK do të udhëheqë me dhjetë drejtori, ndërsa PDK do të udhëheqë me katër drejtori”, thuhet në njoftimin e komunës së Pejës në Facebook.
PDK gjatë këtij mandati do të udhëheq katër drejtori, ndërsa LDK-ja dhjetë.
Gjithashtu, bëhet e ditur se të dy palët janë zotuar që të bashkëpunojnë në interes të qytetarëve të Pejës.
“Palët janë zotuar dhe i kanë siguruar qytetarët, që fokusi i bashkëqeverisjes së tyre do të jetë interesi i qytetarëve të Pejës, ashtu siç ka qenë edhe në dy mandatet e kaluara”.
Më 30 nëntor, është mbajtur seanca solemne inauguruese e legjislaturës se re te Kuvendit te Komunës se Pejës, ku seancën e udhëhoqi asamblistja me në moshë, Drita Maloku.
Në pranin e mysafirëve te shumtë në mënyrë solemne deputetët e zgjedhur e bënë betimin për mandatin e tyre katër vjeçar.
“Në vazhdim para deputetëve e bëri betimin edhe kryetari i zgjedhur i Komunës se Pejës, Gazmend Muhaxheri, i cili pastaj me një fjalë rasti i falënderoi qytetarët e Komunës se Pejës për besimin dhe u zotua që do të jetë në shërbim te qytetarëve edhe gjatë këtij mandati”, është thënë në njoftimin e bërë për media.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Mes tensioneve për Gazën, shtyhet vizita e Erdogan në Shtëpinë e Bardhë
-
Thaçi: Ëndrra ime është që të gjithë shqiptarët të jetojnë në një shtet
-
Vaksinat e personalizuara mRNA për melanomën hyjnë në fazën e re të provës
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE