Kinë: Rënie e lirisë së medias, sipas studimit të FCCC

Kina përdori masat parandaluese të koronavirusit, frikësimin dhe uljen e vizave për të kufizuar raportimin e huaj në vitin 2020, duke sjellë një “rënie të lirisë së medias”, tha Klubi i Korrespondentëve të Huaj të Kinës (FCCC) të hënën.

Për të tretin vit radhazi, asnjë gazetar nuk i tha grupit se kushtet e punës ishin përmirësuar, tha FCCC në një raport vjetor bazuar në 150 përgjigje të studimit.

“Të gjitha instancat e pushtetit shtetëror,  përfshirë sistemet e mbikëqyrjes të përfshira në frenimin e coronavirusit, u përdorën për të ngacmuar dhe frikësuar gazetarët, kolegët e tyre kinezë dhe ata që shtypi i huaj kërkoi të intervistonte,” thotë studimi.

“Autoritetet përmendën shqetësimet e shëndetit publik për të mos u lejuar gazetarëve qasje në zona të ndjeshme dhe i kërcënuan ata me karantinë të detyruar. Kufizimet e vizave u përdorën gjithashtu për të bërë presion në raportim”, shtonte ai.

Të paktën 13 korrespondentëve iu dhanë letrat kredenciale të vlefshme për 6 muaj ose më pak, sipas FCCC. Gazetarët e huaj me qendër në Kinë zakonisht marrin viza një vjeçare dhe duhet t’i rinovojnë ato çdo vit.

Gazetarët u përdorën gjithashtu si “gur shahu” në mosmarrëveshjet diplomatike të Kinës, shtoi ai.

Ndërkohë, zëdhënësi i ministrisë së jashtme kineze Wang Wenbin i quajti të hënën pretendimet e raportit si “të pabazuara”.

“Ne gjithmonë i mirëpresim mediat dhe gazetarët nga të gjitha vendet për të mbuluar lajmet në Kinë sipas ligjit … ajo që ne kundërshtojmë është paragjykimi ideologjik kundër Kinës dhe lajmet e rreme në emër të lirisë së shtypit,” tha ai, në një konferencë të përditshme për shtyp.

Kina dëboi më shumë se një duzinë gazetarësh të huaj në organizatat e mediave amerikane në vitin 2020

Washingtoni gjithashtu zvogëloi numrin e gazetarëve të lejuar për të punuar në Shtetet e Bashkuara në katër media kryesore të shtetit kinez.

Në shtator, Australia ndihmoi dy korrespondentët e saj të huaj të largoheshin nga Kina pasi u morën në pyetje nga ministria e sigurimit të shtetit të vendit.

Gazetarët që raportojnë nga Xinjiang, ku Kina është akuzuar për abuzime në shkallë të gjerë të të drejtave të njeriut, hasën në ngacmime veçanërisht të forta, tha raporti.

Vitin e kaluar autoritetet kineze arrestuan Cheng Lei, një shtetas Australian që punonte për mediat shtetërore kineze dhe më vonë Haze Fan, një shtetas kinez që punon për Bloomberg News, të dy nën akuzën e dyshimit të rrezikimit të sigurisë kombëtare.

Të dy kanë mbetur në paraburgim.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.