Katari afër përfundimit të stadiumeve për botërorin e vitit 2022

Katari së shpejti do të hapë stadiumin e tyre të gjashtë për Kupën e Botës së vitit 2022.

Shteti i Katarit do të hap stadiumin Al Thumama, i cili do të jetë i gjashti nga tetë stadiumet e ndërtuar për turneun më të madh të futbollit, dhe kapaciteti i stadiumit do jetë për rreth 40,000 tifozë.

Al Thumama do të hapet më 22 tetor, dhe ndeshja e parë që do të mbahet, do të jetë finalja e Kupës “Emir” mes Al Sadd të Xavi Hernandez dhe Al Rayyan, të Laurent Blanc.

Tani ka vetëm dy stadiume të tjera që do të hapen zyrtarisht, Ras Abu Aboud dhe Stadiumi Lusail, i cili do të presë finalen e Kupës së Botës.

Stadiumet që tashmë kanë hapur dyert janë stadiumet Khalifa International, Al Janoub, Education City, Ahmad Bin Ali dhe Al Bayt, të cilët së shpejti do të ndiqen nga Al Thumama.

Ky terren i fundit do të presë çerekfinalet e Kupës së Botës si dhe Kupën Arabe FIFA e cila do të zhvillohet mes nëntorit dhe dhjetorit të këtij viti.

Kujtojmë se Botërori i ardhshëm do të mbahet në vitin 2022 gjatë dimrit, për shkak të temperaturave të larta në Katar.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.