Jesse Lingard ka qenë heroi i Manchester United në një vizitë shumë të vështirë te West Ham United.
Ishin çekanët ata që kaluan në epërsi të parët.
Ishte Said Benrahma ai i cili goditi nga largësia, me goditjen e tij që morri një devijim nga Raphael Varane.
Topi i devijuar nga mbrojtësi francez përfundoi në fundin e rrjetës.
Para mbylljes së pjesës së parë, Ronaldo shënoi përsëri për Djajtë e Kuq, goli i tij i katërt në tre ndeshje që nga rikthimi.
Portugezi shfrytëzoi një asistim nga Bruno Fernandes për të barazuar rezultatin.
Përkundër tentativave të shumta nga djajtë, u desh të pritej minuta e 88-të për të parë golin tjetër.
Ishte Jesse Lingard ai që shënoi për 1-2, me një super gol nga cepi i zonës.
Kur u duk se ndeshja po mbyllej me atë rezultat, VAR-i akordoi penallti për West Ham-in pas prekjes me dorë nga Luke Shaw.
Në pikën e 11-metërshit topin e vuri Mark Noble.
Kapiteni i West Ham gaboi, me David De Gea-n që bëri një pritje të madhe për t’ia siguruar United-it tre pikët.
United ngjitet përsëri në krye, së bashku me Liverpool-in.
Në ndeshjen tjetër, Brighton-i befasoi Leicester-in, dukë shënuar fitoren e katërt nga pesë ndeshje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Niger, pa një strategji të vërtetë Biden po humbet Afrikën
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës