Jazz, të gatshëm ta shkëmbejnë Mitchell-in te Knicks

Utah Jazz fillimisht kishte thënë se nuk do të përpiqeshin të shkëmbenin yllin e tyre Donovan Mitchell pasi shkëmbyen qendrën franceze Rudy Gobert në Minnesota Timberwolves disa ditë më parë, megjithatë, duket se qëndrimi jo vetëm që ka ndryshuar, por ata janë afër largimit të Mitchell.

Sipas Adrian Wojnarowski të ESPN, Jazz u kishte thënë skuadrave të tjera se Mitchell nuk ishte i disponueshëm për shkëmbim, megjithatë, ata tani po e rishikojnë këtë qëndrim dhe janë hapur për të dëgjuar propozimet, kjo pavarësisht deklaratave nga Drejtori i Përgjithshëm i ekipit, Justin Zanik.

“Ndryshimi është i pashmangshëm në NBA”, tha Zanik. “Unë nuk po përpiqem të jem i fshehtë apo ndonjë gjë tjetër, por Donovan është në listën tonë dhe ai është një pjesë shumë, shumë e rëndësishme e asaj që po përpiqemi të bëjmë. Gjërat evoluojnë në NBA, kështu që nuk mund të ulem këtu dhe të them ai është i paprekshëm”.

Sipas informacioneve të Tony Jones të The Athletic, New York Knicks po bëjnë gati një ofertë jashtëzakonisht tërheqëse për t’i ofruar Jazz për Mitchell, në media dihet se çmimi do të ishte i lartë, megjithatë, ekipi nga New York-u, ka katër zgjedhje të raundit të parë në Draft 2023 dhe dy në 2025.

Përveç kësaj, Mitchell ka një lidhje me Knicks, pasi është rritur në Westchester të New York-ut, shumë pranë kompleksit stërvitor të ekipit.

Duhet mbajtur mend se, këtë jashtë sezonit, Knicks morën Jalen Brunson në agjenci të lirë pasi mbaroi kontratën e tij me Dallas Mavericks, kështu që dyshja potenciale e fushës së pasme Mitchell-Brunson mund të jetë një nga më të mirët në të gjithë NBA.

Nga ana e Jazz-it, largimi i Gobert mund të jetë çelësi i parë i një epoke të mundshme rindërtimi në Salt Lake City.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.