Në Itali, gjatë muajit qershor, numri i viktimave mund të bjerë në “më pak se 50 në ditë”. Ky është parashikimi i Institutit për Matjet dhe Vlerësimin e Shëndetit (IHME), i themeluar nga Bill Gates, i cili siguron të dhëna për Shtëpinë e Bardhë.
Kurba e infeksioneve Covid-19 do vazhdojë e të rritet në mënyrë të pashmangshme. Të gjitha studimet shëndetësore-statistikore tregojnë se kulmi do të arrihet rreth datës 20 mars. Nga ai moment e tutje, shkruhet në raport, do të fillojë zbritja e ngadaltë.
Parashikimi, i cili shërben si një dritë në fund të tunelit, i qëndron këtyre shifrave nëse përmbushen disa kushte: 95% e italianëve të vazhdojnë të përdorin maskën në publik dhe, mbi të gjitha, nisja e vaksinimeve masive me 500 mijë imunizime në ditë. Kjo e fundit, sipas parashikimeve të planit të ri të qeverisë Draghi.
Mundësia e rënies të numrit të vdekurve, sipas ekspertëve, bazohet gjithashtu në vlerësimin se rreth 10% e italianëve janë imunë tashmë sepse ata e kanë kaluar virusin, me apo edhe pa dijeninë e tyre (asimptomatikë).
Duke vëzhguar kurbat statistikore të IHME-së, tendenca e rënies në Itali është e ngjashme me atë të Francës dhe Gjermanisë. Për Britaninë e Madhe, parashikimi është shumë më pozitiv, duke pasur parasysh tejkalimin e pikut dhe rënien e infeksioneve.
Statistikat e IHME-së parashikojnë që në katër muajt e ardhshëm në Itali, do të ketë edhe 25 mijë viktima të tjera për shkak të Covid-19 dhe komplikimeve të lidhura me të.
Italia, deri tani numëron pothuajse 100 mijë të vdekur nga coronavirus-i.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shpresa e fundit e Salvinit qëndron në ndërtimin e një ure për në Siçili
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Mes tensioneve për Gazën, shtyhet vizita e Erdogan në Shtëpinë e Bardhë
-
Thaçi: Ëndrra ime është që të gjithë shqiptarët të jetojnë në një shtet
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE