Mbrojtësi i Kombëtares së Shqipërisë, Ardian Ismajli është i lidhur me një kalim te Napoli. Menaxheri shqiptar, Serxhio Mezi, ka zbuluar se napolitanët kanë qenë në bisedime me 27-vjeçarin dhe se një lëvizje mund të konkretizohet në verë.
Duke folur për “1 Station Radio”, Mezi zbulon prapaskenën mes Napoli-t dhe Ismajlit, si dhe pse ky i fundit ka përfunduar në radarin e kampionëve në fuqi të Serie A.
“Ne kemi punuar për këtë marrëveshje që nga janari. Ekipet e tjera ishin të interesuara, si Genoa dhe Sassuolo, por ai donte të bënte një hap shtesë dhe zgjodhi Napoli-n. Unë nuk jam agjenti i tij, por një ndërmjetës që është autorizuar të punojë në transferimin e tij”, tregon fillimisht Mezi.
“E njoh shumë mirë drejtorin e Napoli-t, Mauro Meluso, pasi ai e solli Ismajlin te Spezia. Ai është i njohur me aftësitë e tij. Ai është një punëtor i palodhur që lë gjithçka që ka në fushë. Çdo trajner e pëlqen atë”, vijoi ai.
Mezi ofroi një sugjerim se si mund të luajë trajneri i Napoli-t sezonin e ardhshëm, ndërsa diskutoi për aftësitë e qendërmbrojtësit.
“Ai mund të luajë në një linjë me tre ose katër lojtarë dhe gjithashtu para saj. Ai do të ishte shumë i dobishëm për ta pranë Amir Rrahmanit. Menaxheri i tyre i ardhshëm mund të preferojë stilin e parë të mbrojtjes. Ai do të ishte një emër shumë i njohur. Amiri me siguri do të përshtatej. A është Antonio Conte? Nuk mund ta themi”, shtoi Mezi.
Ismajli u transferua në Serie A në shtatorin e 2020 nga Hajduk Split te Spezia për 2.2 milionë euro. Një vit më vonë ai do të kalonte te Empoli, ku dhe aktivizohet aktualisht.
Lojtari kuqezi ka fituar reputacionin si një nga mbrojtësit më të spikatur në Serie A gjatë 84 paraqitjeve të tij në total.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
