Ish-boksieri malazez i peshave të rënda, Goran Gogic është akuzuar për trafik kokaine me vlerë mbi 1 miliard dollarë nëpërmjet Shteteve të Bashkuara të Amerikës.
43-vjeçari u arrestua teksa po përpiqej të merrte një fluturim nga Miami për në Cyrih mbrëmjen e së dielës.
Ai u padit nga një juri e madhe në New York pas një prej kapjeve më të mëdha të drogës në historinë e SHBA-ve.
Mbi ish-boksierin rëndojnë katër akuza. Tre janë për shkeljen e Aktit të Zbatimit të Ligjit për Drogën Detare dhe një tjetër për komplot. Secila më vete ka një dënim minimal prej 10 vitesh.
Por, ai mund të marrë një dënim të përjetshëm pasi problemet e tij me drejtësinë amerikane janë të përsëritura. Tre vite më parë ai u akuzua për trafikimin e 22 tonëve kokainë me anije mallrash në Philadelphia.
Prokuroria pretendon se portet amerikane po përdoreshin për transportimin e kokainës mes Evropës dhe Kolumbisë.
Thuhet gjithashtu se Gogic kujdesej për logjistikën, duke u koordinuar me të gjitha palët në emër të karteleve të tij në Evropë.
Gogic, në karrierën e tij profesioniste si boksier numëron 27 ndeshje në peshën e rëndë midis 2001 dhe 2012. Ai i “vari” dorezat me një rekord prej 21 fitoresh, katër humbje dhe dy barazime.
Ish-boksieri doli për herë të fundit në ring në korrik 2012, kur mposhti 2-17, rumunin Liviu Ungureanu në Gjermani.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Tensione sërish te Bashkia Tiranë, protestohet me molotov
-
SPAK përfundon hetimet për ish-përgjegjësit e IKMT Sarandë, dërgon çështjen në GJKKO
-
Blinken dhe Xi takohen, duan ‘partneritet, jo rivalitet’
-
Rashiç beson se Qeveria do ta dërgojë draft-statutin e Asociacionit në Kushtetuese para anëtarësimit në KiE
