Sulmuesi i Milan-it, Zlatan Ibrahimovic, është rikthyer me deklaratat e stilit të tij.
Në një intervistë për “Canal +”, futbollisti me pasaportë suedeze ka thënë që kampionati francez, Ligue 1, nuk është interesant që prej se ai u largua.
“Që kur u largova nga Franca nuk ka asgjë më interesante për të folur. Franca ka nevojë për mua dhe jo unë për Francën. Edhe pse ka Messi-n, Mbappe-n dhe Neymar-in, nuk mjafton. Pse? Sepse nuk ka më ‘Zot’“, tha Ibrahimovic.
Kujtojmë që Ibra u largua nga PSG-ja në verën e vitit 2016, për t’u transferuar te Manchester United.
41-vjeçari qëndroi katër vite në kryeqytetin francez, duke shënuar 156 gola në 180 ndeshje të luajtura në të gjitha garat.
Tani ai vazhdon të jetë pjesë e Milan-it, por në këtë sezon ende nuk ka pasur paraqitje shkaku i dëmtimeve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com