Manchester United barazoi një rekord të padëshiruar në mbrojtje në humbjen e rëndë 4-0 ndaj Crystal Palace.
Për herë të parë në historinë e tyre, “Djajtë e Kuq” kanë humbur të dyja ndeshjet e ligës kundër Palace në një sezon të vetëm, pasi ata bënë një paraqitje të mjerë në përballjen e së hënës në “Selhurst Park”.
Michael Olise dhe Jean-Philippe Mateta shënuan nga një gol për të lënë Man United pas.
Tyrick Mitchell shtoi golin e tretë në minutën e 58-të, përpara se Olise të shënonte të dytin dhe të katërtin e Palace për të dënuar skuadrën e Erik ten Hag me një humbje demoralizuese.
Pas pësimit të katër golave në “Selhurst Park”, Man United tani ka pranuar gjithsej 81 gola në të gjitha garat këtë sezon.
Ky numër përfaqëson numrin më të madh të golave të pësuar që kur ata morën të njëjtën sasi në sezonin 1976-77.
Ata gjithashtu kanë dështuar të mbajnë portën e pastër në 10 ndeshje radhazi jashtë fushe në Premier League që kur luajtën një barazim pa gola me Liverpool-in në dhjetor.
Casemiro operoi si një qendërmbrojtës i improvizuar së bashku me Jonny Evans në humbjen e së hënës, dhe në fund u dëshmua të ishte një natë pë t’u harruar për brazilianin.
32-vjeçari u driblua në tetë raste në “Selhurst Park”, që është një rekord i lartë për një ndeshje të Premier League në sezonin 2023-24.
Duke humbur 13 nga 35 ndeshjet e tij në Premier League, Man United tani ka pësuar numrin më të madh të humbjeve në ligë në një sezon të vetëm që kur humbi 16 ndeshje në 1989-90.
Këto rezultate të dobëta kanë kontribuar në një total prej 18 humbjesh në të gjitha garat, që përfaqësojnë numrin më të madh të humbjeve në një sezon të vetëm që kur humbën 19 ndeshje gjatë sezonit 1977-78.
Man United tani ka një luftë në duart e tyre për të siguruar futbollin evropian, me “Djajtë e Kuq” që qëndrojnë në vendin e tetë dhe dy pikë larg Newcastle United në vendin e gjashtë.
Ata do të fitojnë një vend në Europa League nëse mposhtin Manchester City-n në finalen e FA Cup, ndërsa një humbje nga rivalët e tyre do të krijonte një vend tjetër evropian në Premier League.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
