“Hampden” i mbushur me emocione për ndeshjen Skoci – Ukrainë

Një stadium i ngarkuar emocionalisht do të presë gjysmëfinalen e play-off-it të Kupës së Botës mes Skocisë dhe Ukrainës, në një lojë që i kushtohet vëmendje globale pas pushtimit rus.

Për fituesin, kjo nuk do të thotë vetëm krenari kombëtare, por një vend në finalen e së dielës kundër Uellsit në Cardiff.

Skocia synon të arrijë në Kupën e Botës e saj të parë për meshkuj në 24 vjet, ndërsa Ukraina shpreson të shtojë paraqitjen e saj të vetme, që e kishte në 2006.

Por përgatitjet e tyre janë ndërprerë nga konflikti i vazhdueshëm në atdheun e tyre, i cili çoi në shtyrjen e ndeshjes nga data fillestare në mars.

Duke pasur parasysh luftën në Ukrainë, skuadra e Oleksandr Petrakov ka kaluar muajin e fundit duke u përgatitur në një kamp stërvitor në Brdo, në Slloveni.

Miqësorët në Gjermani, Itali dhe Kroaci ndoqën një fushatë kualifikuese në të cilën ata ishin të pamposhtur në tetë ndeshjet e tyre në grup, por përfunduan në pozitën e dytë, pasi gjashtë prej atyre ndeshjeve ishin barazime.

Trajneri i Skocisë, Steve Clarke pret që vizitorët “do të jenë gati për lojën”.

“Ata janë një ekip shumë i talentuar me lojtarë shumë të talentuar”, shtoi ai. Ata janë një ekip i mirë, por edhe ne jemi një ekip i mirë”.

Në të vërtetë, skuadra e Clarke, e cila përfundoi e dyta pas Danimarkës në grupin e tyre kualifikues, është e pamposhtur në tetë ndeshjet e fundit.

“Ne do të luajmë në të njëjtën mënyrë – duke dashur të ngjitemi sa më lart- dhe mendoj se ekipi ukrainas do të jetë i njëjtë”, shtoi ai. “Ata do të duan të sulmojnë – i kam parë dhe ata janë një ekip i mirë duke ecur përpara”.

“Djemtë e dinë se jemi në një ecuri të mirë dhe duan ta vazhdojnë atë për të paktën dy ndeshje të tjera”.

Skocia është pa mbrojtësin kryesor Kieran Tierney pasi lojtari i Arsenal-it rikuperohet nga operacioni në gju, ndërsa mesfushori i Rangers Ryan Jack u desh të tërhiqej për shkak të një dëmtimi.

Lojtarët e Ukrainës që luajnë në shtetin e tyre nuk janë përfshirë në asnjë ndeshje që nga dhjetori pasi lufta filloi gjatë mbylljes së tyre dimërore.

Portieri Andriy Lunin ishte i fundit që iu bashkua skuadrës pasi ishte një zëvendësues i papërdorur për Real Madrid-in në fitoren 1-0 të së shtunës ndaj Liverpool-it në finalen e Ligës së Kampionëve.

Mesfushori ukrainas, Oleksandr Zinchenko: “Disponimin tonë, do ta përshkruaja si një humor luftarak, sepse të gjithë e kuptojnë se çfarë po ndodh në Ukrainë këto ditë, si është situata në terren.

“Kjo është arsyeja pse unë do të thoja që motivimi ynë është padyshim 100 për qind për të fituar. Jam shumë i sigurt se të gjithë në Ukrainë që kanë këtë mundësi do të na shikojnë dhe ne do ta ndiejmë këtë mbështetje 100%”.

“Ne mund të flasim shumë, por duhet ta bëjmë atë në fushë. Ne do të përpiqemi t’i bëjmë ata të lumtur dhe krenarë”, përfundoi Zinchenko.

Portieri i Skocisë, Craig Gordon: “Të gjithë do të ndiejnë madhështinë e rastit, por ne jemi të mbrojtur nga ajo që po ndodh jashtë, dhe përgatitemi si çdo lojë tjetër që kemi bërë”.

“Është ndoshta e pamundur për ne që të dimë në të vërtetë shtrirjen e plotë të gjithçkaje që ata po përjetojnë, por Ukraina ka qenë në një kamp stërvitor për më shumë se një muaj tani, kështu që ne nuk presim asgjë përveç më të mirës së tyre”.

“Do të jetë një ndeshje e vështirë, por ne jemi gati për të”, përfundoi ai.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.