Të shtunën përballë Everton-it, një ndër emrat në listën e rezervistëve të Manchester United, ishte edhe Cristiano Ronaldo.
Ky vendim ishte shumë i çuditshëm, duke marrë parasysh që futbollistët do bashkohen me kombëtaret e tyre dhe ndeshja ishte e vështirë.
Sikur analistët e ndryshëm anglez, mendon edhe Sir Alex Ferguson.
Ish-trajnei legjendar i Man United, të shtunën u takua me kampionin e UFC, Khabib Nurmagomedov, që ishte i pranishëm në “Old Trafford”.
Sir Alex gjatë bisedës me Khabib, tha që “gjithmonë duhet ta nisësh ndeshjen me futbollistët më të mirë”.
Video, e postuar nga Khabib në Instagram, sheh Ferguson-in duke thënë që Everton-i do ndiheshin më të motivuar kur kanë parë që Ronaldo është në bankë.
Nurmagomedov ia kujtoi Ferguson-it që Ronaldo luajti 30 minuta në pjesën e dytë, por përgjigja e Sir Alex ishte e shpejtë,
“Futbollistët e kalibrit të tij duhet të startojnë”.
Ronaldo u largua në fund të ndeshjes shumë i frustruar, duke pëshpëritur me vete.
“Kur e ke Cristiano-n në ekip, duhet të ndërtosh një strukturë të lojës rreth tij”, tha Ian Wright, analist dhe legjendë e Anglisë dhe Arsenal-it.
“Kur e ke atë në skuadër, ke një lojtar që të fiton ndeshjen. Kur nuk i jap ndihmën e duhur, normalisht që do largohet nga fusha i nervozuar”, u shpreh ai.
Mirëpo, përgjigja e Solskjaer ishte: “Unë dhe ai (Cristiano), kuptojmë më shumë se ekspertët”.
“Duhet të gjejmë momentin e duhur për të luajtur me të, dhe momentin e duhur për ta pushuar”.
“Ai nuk është i ri më, por ai është profesional si gjithmonë dhe i gatshëm të luajë gjithmonë, edhe nëse vjen nga banka”.
Kritikat për Ole Gunnar Solskjaer vazhdojnë të jenë të mëdha, dhe e ardhmja është në ajër duke parë rezultatet negative që United po mbledhë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
LDK-ja s’e pranon “instrumentalizimin” e opozitës: Dorëheqja e Kurtit duhet t’i paraprijë datës së zgjedhjeve
-
SPAK sekuestron mbi 3 milionë euro pasuri të ish-shefit të Operacionales, Oltion Bistri
-
Michael Cohen detajon se si ishte jeta si avokat i Trump-it
-
Blinken i thotë Zelenskyt se ndihma ushtarake amerikane është rrugës