Bashkë me festat e fundvitit, vijnë ushqimet dhe shijet e ndryshme në tryezat e shqiptareve. Ushqimet tradicionale i kanë shoqëruar shqiptarët për vite me radhë. Gjeli i detit nuk ka munguar ansjëhere ne tavolinat tona, megjithatë mënyra se si gatuhet ndryshon here pas here.
Mastershefi, Fundim Gjepali, ka treguar një recetë se si gatuhet gjeli i detit apo pula e mbushur me gështenja.
Përgatitja:
I heqim kockat gjelit, i hedhim kripë dhe piper nga të gjitha anët.
Marrim gështenjat, u bëjmë një shenjë me thikë, pastaj i fusim në furrë të nxehtë për tetë minuta në një temperaturë 180°. I nxjerrim e u heqim lëvozhgat.
Në një enë përziejmë gështenjat e pastruara, mishin e grirë, vezën dhe koprën e grirë. I hedhim kripën dhe piperin që nevojitet.
Marrim gjelin e hapim mirë, marrim gështenjat dhe mishin e grirë tashmë të përziera i vëmë në mes të gjelit, e rrotullojmë mirë dhe e lidhim me spango. Në një tigan hedhim pak vaj ulliri dhe fillojmë të skuqim gjelin e mbushur.
Marrim qepën, selinon, karotën të prera në copa të vogla, thelbin e hudhrës, erëzat e mbetura dhe i hedhim të gjitha në tigan bashkë me gjelin. Kur gjeli të jetë skuqur mirë e spërkasim me verë. Pasi vera të ketë avulluar, mbulojmë gjelin me ujë ose lëng mishi nëse kemi. E fusim në furrë në një temperature 150° për rreth 30 minuta, gjithmonë duke e shikuar që mos të thahet. Kur shikojmë që po thahet i shtojmë pak ujë.
Kur gjeli të jetë pjekur i heqim spangon dhe e presim në feta me gjerësi rreth 2 cm. Lëngun e mbetur në tepsi e fusim në një tenxhere e vëmë në zjarr deri sa të fillojë të ziejë. E trashim duke përdorur miell ose niseshte të shkrirë në ujë. E kullojmë me një kullesë dhe e përdorim si salcë sipër fetave të gjelit.
Si të gatuani kulaçin?
Si çdo recetë, edhe përgatitja e përsheshit ka truket e veta të cilat nisin që tek pjekja e kulaçit.
Flavio dhe shef Brenton, kanë treguar disa truke që çdo amvisë duhet të ketë parasysh nëse do të bëjë një kulaç perfekt.
Kulaçi është më kryesori dhe si i tillë duhet të tregohet kujdes tek pjekja e tij.
“Kulaçi nuk duhet të gatuhet më shumë seç duhet dhe duhet të lihet të ftohet para se ta bëni pjesë të përbërësve të tjerë”, tha shef Brendon.
Një hap tjetër i rëndësishëm është dhe skuqja e kulaçit me gjalpë. Kulaçi mund të skuqet deri kur të marrë një ngjyrë të artë. Gjalpi duhet të përdoret në masë. Pra jo shumë, që të mos bëhet një masë e yndyrshme e jo pak, pasi duhet shija e gjalpit. E njëjta gjë vlen dhe për lëngun e gjelit të detit.
Nëse hidhni pak lëng, përsheshi nuk do të zbutet mirë dhe kulaçi do të mbetet i fortë e nëse hidhni shumë, përsheshi del i lëngshëm dhe do të duket si qullë.
Një darkë e shijshme, përveç se përshesh perfekt, kërkon që dhe mbreti i tryezës të jetë po aq i shijshëm dhe këtë nuk e bën vetëm gatimi i tij por edhe gjeli i duhur./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti kërkon nga Baerbock vazhdimin e mbështetjes së Gjermanisë për anëtarësimin e Kosovës në KiE