Eurodeputeti katalonez, Jordi Sole, në seancën plenare të Parlamentit Evropian është shprehur se i mbështesin reformat e Kosovës që do ta sjellin atë më afër BE-së.
Ndërsa ka përmendur edhe vendet të cilët po e refuzojnë Kosovën.
“Ne i mirëpresim reformat e Kosovës që do ta sjellin vendin më afër Bashkimit Evropian. Pesë shtete anëtare të BE-së – përfshirë Spanjën – me kryefortësi po refuzojnë të njohin Kosovën si shtet të pavarur, një shtet i cili së shpejti do të na kërkojë formalisht që të bëhet shtet anëtare e Bashkimit Evropian”, ka shkruar Sole.
Ai madje refuzimin nga ana e Spanjës e ka quajtur si “situatë absude”.
“Për më tepër kur mosnjohësit shohin për situatat e tyre të brendshme me frikën se po shkaktojnë precedentë në lidhje me mënyrat se si arrihet shtetësia, siç është rasti në Spanjë”.
Sole, theksoi edhe pavarësinë e Kosovës të cilën e konsideron si të ligjshme dhe realitet i shumë viteve.
“Pavarësia e Kosovës është e pakthyeshme, e ligjshme, demokratike dhe ka qenë realitet qe shumë vite. Pengimi i perspektivës evropiane të Kosovës duke mos ia njohur pavarësinë është gjë egoiste dhe e dobëson bashkësinë tonë evropiane, ju falemnderit”.
Kosovës i janë bërë premtime dhe ato premtime nuk janë nderuar, ka thënë edhe eurodeputeti austriak, Lukas Mandl në Parlamentin e BE-së, derisa elaboroi padrejtësinë që u është bërë qytetarëve të Kosovës, të cilët ende nuk gëzojnë lirinë e lëvizjes së lirë brenda Bashkimit Evropian.
Mandl e cilësoi si demokraci të qëndrueshme sistemin socio-politik në Kosovë, për çka tha se është shtet me shumë diversitet.
“Dua të them se Kosova ka paguar me gjak lirinë e saj. BE dhe ShBA e ndihmuan vendin për të fituar pavarësinë. Ky vend është bërë demokratik, ka sundim të ligjit dhe e ka bërë me shpejtësi të madhe. Është demokraci e qëndrueshme dhe vend me shumëllojshmëri”, u shpreh Mandl.
Kosova, tha Mandl, është demokracia më e re në Evropë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin