Humbja e Barcelonës në “Camp Nou” përballë Granada-s të enjten ndryshoi gjithë rrjedhën në La Liga.
Atletico mbeti lider, Real-i mbeti përpara për shkak të ndeshjes direkte, kurse Sevilla befasisht, u përfshi në luftën për titull.
Kur kanë mbetur edhe pesë javë deri në fund të kampionatit, katër skuadra janë në garë të ashpër për trofeun.
Sot në ditën e parë të majit, në javën e 34-të të La Liga-s, në aksion vijnë dy nga katër skuadrat pretendente për titull, ato të kryeqytetit.
E para luan Atletico Madrid, e cila është mysafire e Elche-s që bën pjesë në luftën tjetër të ashpër në Spanjë, atë të mbijetesës.
Në vendin e 18-të, Elche është vetëm një pikë larg zonës që e shpëton nga rënia, dhe për “Rojiblancos”, kjo vizitë nuk pritet të jetë fare e lehtë.
Ndeshja e parë e sezonit përfundoi me fitoren e Atletico-s, 3-1.
Real Madrid-i në anën tjetër, luan në mbrëmje përballë Osasuna-s.
Në ndeshjen që zhvillohet në “Alfredo di Stefano”, përveç titullit, madrilenët duhet të mendojnë edhe për ndeshjen e kthimit në Champions.
Madrilenët janë 18 ndeshje të pamposhtur në të gjitha garat, por ata kanë barazuar katër nga pesë duelet e fundit.
Edhe ndeshja e parë e sezonit në Pamplona mes Real-it dhe Osasuna-s, përfundoi me rezultat 0-0.
Carvajal, Lucas, Mendy, Ramos dhe Valverde mungojnë te madrilenët, kurse Ruben është mungesa e vetme për mysafirët.
Këta të fundit kanë siguruar mbijetesën dhe nuk kanë shpresë për Evropën, ndeshjet e mbetura i luajnë thjesht për statistikë.
Përveç luftës për titull, La Liga sot sjellë edhe dy duele:
Eibar – Alaves, 14:00
Huesca – Real Sociedad, 18:30
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Niger, pa një strategji të vërtetë Biden po humbet Afrikën
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës