Tifozët e Shqipërisë janë dyndur drejt Dortmundit këtë të shtunë, aty ku Kombëtarja kuqezi do të debutjë në Euro 2024 ndaj Italisë, duke filluar nga ora 21:00.
Shqipëria dhe Italia ndeshen në “Signal Iduna Park” të Borussia Dortmund-it, aty ku sipas mediave të ndryshme evropiane, shumica e 60 mijë vendve do të jenë të mbushura nga tifozët kuqezi.
Mirëpo, festa e tifozëve kuqezi është zhvilluar përgjatë gjithë ditës së shtunë në Dortmund. Kanë qenë shumë shqiptarë të cilët kanë mbushur rrugët dhe pikëtakimet në qytetin gjerman, i cili tashmë duket i shëndëruar i gjithi në kuqezi.
Falë tifozëve të shumë në numër, Dortmundi duket se, të paktën për një ditë, i ka marrë vendin Vlorës si qyteti i flamurit Kuq e Zi.
Me këngë dhe valle kombëtare e jo vetëm, tifozët e Shqipërisë kanë qenë të zjarrtë këtë të shtunë në Dortmund, aty ku nuk kanë munguar edhe tonet nacionaliste, si në çdo grumbullim tifozësh futbolli.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Euro 2024: Cilat ekipe pritet të kualifikohen në raundin e 16-të
-
Kroacia humbet sulmuesin para duelit me Shqipërinë
-
Shqipëria dhe Kroacia pritet të kenë ndryshime në formacionet fillestare
-
Kozniku paralajmëron kroatët: Lojtarët e Shqipërisë janë të njohur për agresivitet – shkojnë ‘100 në orë’, japin çdo gjë nga vetja
