COP26: Bezos premton 2 miliardë dollarë për natyrën

Themeluesi i Amazon, Jeff Bezos, të martën e 2 nëntorit ka premtuar 2 miliardë dollarë për natyrën pasi ai e kuptoi brishtësinë e saj kur udhëtoi në hapësirë.

Në konferencën e Organizatës së Kombeve të Bashkuara për ndryshimet klimatike COP26 në Glasgow, Skoci, ai deklaroi se paratë nga Fondi “Bezos Earth” do të shkojnë për restaurimin e peizazheve dhe transformimin e sistemeve ushqimore.

“Në shumë pjesë të botës, natyra tashmë po kthehet nga një lavaman karboni në një burim karboni”, tha ai.

Fondi planifikon të shpenzojë 10 miliardë dollarë për të luftuar ndryshimet klimatike në përgjithësi.

Në Glasgow, themeluesi më i madh në botë i shitjes në internet e përshkroi përvojën e udhëtimit me raketën e tij, “New Shepard”, në korrik si një zbulim i cenueshmërisë së Tokës.

“Më thanë se shikimi i Tokës nga hapësira ndryshon thjerrëzën nga e cila shikon botën, por unë nuk isha i përgatitur për atë se sa do të ishte e vërtetë”, vijoi ai.

Më tej në fjalën e tij tha se, “duke parë mbrapa Tokën nga atje lart, atmosfera duket kaq e hollë, bota kaq e fundme dhe kaq e brishtë. Tani, në këtë vit kritik dhe atë që ne të gjithë e dimë është dekada vendimtare, ne duhet të qëndrojmë së bashku për të mbrojtur botën tonë”.

Në shtator, Fondi “Bezos Earth” premtoi 1 miliard dollarë për ruajtjen e natyrës dhe popujve dhe kulturave indigjene.

Duke shpallur zotimin e mëtutjeshëm prej 2 miliardë dollarësh, Bezos tha se dy të tretat e tokës prodhuese të Afrikës ishin të degraduara, por kjo mund të rikthehet.

“Restaurimi mund të përmirësojë pjellorinë e tokës, të rrisë rendimentet dhe të përmirësojë sigurinë ushqimore, ta bëjë ujin më të pastër, të krijojë vende pune dhe të nxisë rritjen ekonomike, duke eliminuar gjithashtu karbonin”, theksoi ai për COP26.

Si Bezos, Richard Branson dhe Elon Musk po ndërtojnë biznese hapësinore.

Takimi global i nivelit të lartë në Glasgow, që po mbahet në këto momente, është përshkruar gjerësisht si një nga më të rëndësishmit sa i takon klimës.

Samiti i klimës në Glasgow pason marrëveshjen historike të Parisit në vitin 2015.

Negociatat do të zhvillohen gjatë dy javëve, por samiti dyditor i liderëve filloi të hënën e 1 nëntorit.

120 krerë shtetesh dhe qeverish janë planifikuar të marrin pjesë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.