Takimi global i nivelit të lartë në Glasgow, që po mbahet në këto momente, është përshkruar gjerësisht si një nga më të rëndësishmit sa i takon klimës.
Samiti i klimës në Glasgow pason marrëveshjen historike të Parisit në vitin 2015.
Negociatat do të zhvillohen gjatë dy javëve, por samiti dyditor i liderëve filloi të hënën e 1 nëntorit.
120 krerë shtetesh dhe qeverish janë planifikuar të marrin pjesë.
I pranishëm është edhe kryeministri i Shqipërisë, Edi Rama. Në një moment, ai shfaqet teksa takohet me kryeministrin britanik, Boris Johnson.
Çfarë dihet për Samitin?
Presidenti i Shteteve të Bashkuara, Joe Biden, do të flasë gjatë ditës së sotme.
Administrata e ish-presidentit Trump ishte praktikisht jashtë çdo takimi ndërkombëtar mbi çështjet e klimës.
Ndërkaq, që të hënën e 1 nëntorit shumica dërrmuese e kabinetit Biden do të jetë në Glasgow.
Ata do të shoqërohen nga një delegacion gjithashtu i konsiderueshëm zyrtarësh “të karrierës”.
Mbretëresha Elizabeth II do duhej të organizonte pritjen e mbrëmjes, por monarkja 95-vjeçare do të jetë një mungesë e sigurt.
Kjo, pasi mjekët e kanë këshilluar lidhur me gjendjen e saj jo të mirë shëndetësore.
Mbretëresha pritet të shpërndajë një video-mesazh për të gjithë pjesëmarrësit.
Rusi-Kinë
Udhëheqësi kinez Xi Jinping nuk do të marrë pjesë në samit.
Ai do të paraqesë një deklaratë me shkrim – i vetmi lider botëror që e bën këtë.
Presidenti rus, Vladimir Putin, në të kundërt nuk do të lëshojë asnjë deklaratë.
Lideri rus ka thënë më herët se nuk do të marrë pjesë personalisht në konferencën e OKB-së për klimën.
Kjo, për shkak se formati nuk i lejoi Putin-it të mbante një fjalim përmes video-konferencës.
Muajin e kaluar, Putin njoftoi se Rusia “do të përpiqet” për neutralitetin e karbonit deri në vitin 2060.
Në samitin e G20-ës në Romë të dielën e 31 tetorit, presidenti Biden ravijëzoi se Rusia dhe Kina “nuk shfaqën ndonjë angazhim në lidhje me ndryshimet klimatike”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel