Jeff Bezos ka kryer me sukses udhëtimin drejt hapësirës, në bordin e anijes së tij Blue Origin, duke hyrë në histori si udhëtari i parë “turistik”, i cili shkon në një kuotë hapësinore me gravitet zero.
Si sonda me pasagjerët, ashtu edhe raketa mbështetëse, u ulën me sukses në orën 15:24 me atë lokale të Shqipërisë, pas thuajse dhjetë minutash në ajër.
LIVE: Billionaire @JeffBezos launches into space aboard Blue Origin's New Shepard spacecraft for a suborbital flight https://t.co/ek00ZylR83
— Reuters (@Reuters) July 20, 2021
Me një uniformë blu dhe kapele “Cowboy”, Bezos doli nga anija kozmike i ekzaltuar. Baza e New Mexico-s nuk kishte shumë persona të pranishëm për të pritur uljes e “Blue Origin”, por mjaftueshëm sa për të dëshmuar këtë arritje historike të manjatit amerikan.
I shoqëruar nga vëllai i tij, Mark, dhe dy persona të tjerë në ekuipazh, Bezos kompletoi një ëndërr të kahershme të udhëtimit në kufijtë e orbitës tokësore.
Ai e tejkaloi me një marzh shumë të lartë, kuotën e vendosur nëntë ditë më parë nga Richard Brenson. Ky i fundit, u bë njeriu i parë që fluturoi si “turist hapësinor”.
Një student 18-vjeçar i fizikës, babai i të cilit drejton një firmë të menaxhimit të investimeve, është caktuar të zërë vendin e një personi, i cili pagoi 28 milionë dollarë në një ankand për të marrë pjesë në fluturimin inaugurues të turizmit hapësinor për kompaninë “Blue Origin” të miliarderit Jeff Bezos.
Oliver Daemen u bë anëtari i katërt i ekuipazhit, duke u bërë gjithashtu edhe klienti i parë i kompanisë.
Pjesë e ekuipazhit ishte edhe aviatorja 82-vjeçare, Wally Funk.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
