Përfaqësuesi i Lartë për Politikën e Jashtme dhe të Sigurisë së Bashkimit Evropian, Josep Borrell, është shprehur tejet i alarmuar nga situata e sigurisë në Veri të Kosovës, sidomos pas arrestimit të një serbi nga Policia e Kosovës dhe marshimit të ushtarakëve të Forcës së Sigurisë së Kosovës në Mitrovicë, të premten.
“Shumë i alarmuar nga situata në Veri të Kosovës: arrestime jashtëgjyqësore të serbëve të Kosovës dhe Forcave të Sigurisë së Kosovës që marshojnë në Mitrovicën e Jugut; e ndjekur nga retorika e rëndë nga Serbia. Pavarësisht takimit të djeshëm të krizës, përshkallëzimi vazhdon dhe po bëhet i rrezikshëm. Nuk do ta tolerojmë”, ka shkruar Borrell në rrjetin e tij social në Twitter.
Çfarë ndodhi?
Një ditë pas takimeve të ndara në mes të kryeministrit të Kosovës, Albin Kurtit me shefin e diplomacisë së Bashkimit Evropian, Josep Borrell dhe në mes të presidentit të Serbisë, Aleksandër Vuçiç me Borrell, të cilat rezultuan pa marrëveshje, por me shprehje që u kuptuan si sinjale pozitive, Policia e Kosovës njoftoi se ka arrestuar të dyshuarin me iniciale N.O., apo njohur ndryshe me nofkat si “Nemac” dhe “Rusi”, pasi ka siguruar prova që i njëjti ka sulmuar ushtarët e KFOR-it me 29 maj, në protestën e dhunshme para ndërtesës komunale në Zveçan.
Arrestimi i tij sipas Policisë së Kosovës ndodhi pas sigurimit të dëshmive.
Po në këtë ditë, 215 ushtarë të FSK-së marshuan në Mitrovicë të Jugut, marshim ky i cili në rrjetet sociale u interpretua se gjoja ushtria e Kosovës po shkon në Veri.
Prandaj mu për këtë çështje reagoi edhe Ministri i Mbrojtjes, Armend Mehaj, i cili sqaroi se marshimi i regjimentit të tretë të FSK-së, i realizuar nga kazerma “Minatori” deri në fshatin Frashër dhe anasjelltas ka qenë kondicional dhe i rregullt dhe se ky aktivitet nuk ka të bëjë asgjë me situatën e sigurisë në Veri të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Balla dhe Duka nënshkruajnë memorandumin për dënimin e dhunës në stadiume dhe trukimin e ndeshjeve
-
Prokuroria e Fierit sekuestron 6 pasuri, pasi dyshohet se rrjedhin nga trafiku i drogës
-
Maqedonci dhe Rosati diskutojnë për situatën e sigurisë në Kosovë
-
Konjufca uron Gashin: Mezi pres të punojmë për interesat tona të përbashkëta
Lajmet kryesore
-
Qeveria lidhi 781 kontrata me negocim, 209 milionë euro në pyetje – Veç KEK-u dha 102 milionë euro me procedura të dyshimta
-
Rama dhe Bardhi replikojnë në distancë – sërish – për çështjen e Olsi Ramës
-
Balla e Rrumbullaku dëshmojnë më 4 qershor në komisionin hetimor për sistemin TIMS
-
Afrim Gashi zgjidhet kryetar i Kuvendit të Maqedonisë së Veriut
