Bojkoti diplomatik i Lojërave Olimpike dimërore në Kinë/ Bashkohen Kanada dhe Mbretëria e Bashkuar
Kanada dhe Mbretëria e Bashkuar u janë bashkuar bojkotit diplomatik të Lojërave Olimpike dimërorë që do të mbahen në Kinë në shkurt të vitit 2022.
Të mërkurën, kryeministri i Mbretërisë së Bashkuar, Boris Johnson, tha që askush nuk do të bashkohet në Lojërat Olimpike në Kinë, për shkak të akuzave për shkelje të të drejtave të njeriut në Kinë.
Kanada më vonë iu bashkua Mbretërisë së Bashkuar, poashtu duke cituar shqetësimet mbi të drejtat e njeriut.
Kjo vjen pas një njoftimi të njëjtë nga ShBA-të dhe Australia më herët këtë javë.
Këto akuza, nga Beijing-i i Kinës ku do të mbahen këto Lojëra Olimpike janë kundërshtuar fuqishëm.
Kina i ka kundërshtuar ashpër ShBA-të për këtë vendim dhe ka kërcënuar për hakmarrje, duke mos dhënë të dhëna shtesë.
Në Kanadë dhe Mbretërinë e Bashkuar, shprehen se ky vendim nuk do të vijë si “surprizë” për Kinën.
“Kemi qenë shumë të qartë gjithmonë për shqetësimet e thella që kemi rreth shkeljes së të drejtave të njeriut”, është shprehur kryeministri i Kanadës, Justin Trudeau.
Thomas Bach, presidenti i Komitetit Internacional Olimpik, ka thënë që përkundër numrit të shtuar të bojkotit politik, sportistët do të jenë në gjendje të marrin pjesë.
Të gjitha këto shtete – Australia, Britania, Kanada dhe ShBA-të e konsiderojnë Kinën si rrezik të sigurisë dhe të të drejtave njerëzore.
Kurse nga Kina, të gjithë këto akuza konsiderohen si të fabrikuara.
Së shpejti, pritet që edhe Japonia dhe Zelanda e Re të tërhiqen nga këto gara, derisa të njëjtin vendim mund të marrin edhe Qeveria e Shqipërisë dhe ajo e Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohen gjysmëfinalet e ‘Final Four”, në rrugën drejt titullit kampion
-
“Abissnet Superiore” për vajza/ Vllaznia mund Apoloninë në finale & shpallet kampione e Shqipërisë për herë të 11-të
-
Final Four ‘pasuron’ katër ekipet pjesëmarrëse me bonuset e majme
-
Fonseca mohon marrëveshjen me Marseille mes lidhjeve me Milan-in
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë