Korporata Energjetike e Kosovës (KEK) ka njoftuar të hënën nëpërmjet llogarisë zyrtare në “Facebook” se blloku A-5 i Termocentralit Kosova A – i cili ra nga sistemi vetëm pak ditë pasi ishte funksionalizuar – është rikthyer sërish në operim pas fazës testuese.
Ministrja e Ekonomisë, Artane Rizvanolli, pati njoftuar me 7 maj se është rikthyer njësia, por KEK-u nuk kishte njoftuar fare për rënien e tij. KEK-u kishte konfirmuar rënien vetëm pas publikimit të Albanian Post, por kishin thënë se është bërë me qëllim, për shkak se ishin në fazë testuese.
KEK-u të hënën njoftoi se njësia A-5 i Kosovës A, pas përfundimit të remontit kapital dhe eliminimit të të gjitha vërejtjeve të evidentuara gjatë fazës testuese, është rikthyer në operim të hënën, rreth një javë pas rënies.
“Njësia A-5 pas përfundimit të remontit kapital dhe eliminimit të të gjitha vërejtjeve të evidentuara gjatë fazës testuese, kjo njësi është rikthyer në operim sot pas mesnate me datë 21 maj 2023. Sot në operim ka tri njësi të TC-A dhe një njësi të TC-B-së”.
Blloku A-5 para shumë muajsh do të duhej të dërgohej në riparim, në mënyrë që të rikthehej më pas në punë pa prishje. Por, qëllimshëm ishte anuluar projekti për Riparimin Kapital të kaldajës së bllokut A-5.
Ishte Ministrja e Ekonomisë, e cila me 7 maj shkroi në Facebook se “dhuratë më të mirë” se lajmi që njësia A5 e Kosovës A në KEK është rikthyer në funksion, nuk ka marrë për ditëlindje, por burimet e Albanian Post treguan se blloku sërish kishte rënë.
Madje, prishja kishte ndodhur pikërisht në vendin ku do të duhej të bëhej remonti/riparimi, i cili nuk u bë asnjëherë, për shkak të dallavereve që ndodhën në Korporatën Energjetike të Kosovës, për çka edhe është arrestuar kryeshefi i KEK-ut, Nagip Krasniqi, nën dyshimin për korrupsion.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Operacioni policor “Baroni” në Prishtinë dhe Gjilan, sekuestrohen armë zjarri
-
Shansi i fundit për marrëveshje ose do të hyjmë në Rafah, thotë Izraeli
-
Mbledhje për dokumentarin e Rai-t, Spiropali: Kërkojnë të na vënë në tabaka emisionin e gatuar në Tiranë
-
Ministri izraelit Ben-Gvir përfshihet në një aksident të rëndë automobilistik
Lajmet kryesore
-
Rama për “Corriere”: Ndërhyra për të mbrojtur imazhin e vendit tim
-
Opozita i kërkon Kuvendit anulimin e mbledhjes së Komisionit për Shëndetësinë
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
Rohde e përmendi Asociacionin, Kurti kërkon mbështetjen e Gjermanisë për anëtarësimin e Kosovës në KiE